בבית אבי מעונות רבות ואם לא כן הוא כי עתה הגדתי לכם הנני הלך להכין מקום לכם׃

הלא שמעתם כי אמרתי אליכם אלך לי ואשובה אליכם אם אהב תאהבוני כי עתה תשמחו באמרי לכם כי הלך אני אל האב כי אבי גדול ממני׃

וידע ישוע כי נתן אביו את הכל בידו וכי מאלהים בא ואל אלהים ישוב׃

מאת האב יצאתי ואבא לעולם אשובה אעזב את העולם ואלך אל אבי׃

הלא על המשיח היה לסבל את כל זאת ולבוא אל כבודו׃

כי ככה אהב האלהים את העולם עד אשר נתן את בנו את יחידו למען לא יאבד כל המאמין בו כי אם יחיה חיי עולמים׃

כי האלהים לא שלח את בנו אל העולם לדין את העולם כי אם למען יושע בו העולם׃

כל המאמין בבן יש לו חיי עולמים ואשר לא יאמין בבן לא יראה חיים כי אם חרון אלהים ישכן עליו׃

וזה רצון שלחי אשר כל הראה את הבן ומאמין בו יהיו לו חיי עולמים ואני אקימנו ביום האחרון׃

ויען אתו שמעון פטרוס אדני אל מי נלך דברי חיי עולמים עמך׃

ואנחנו האמנו ונדע כי אתה המשיח בן אל חי׃

אנכי הדלת איש כי יבוא בי יושע ובצאתו ובבואו ימצא מרעה׃

החפץ לשרתני ילך אחרי ובאשר אהיה שם יהיה גם משרתי ואיש אשר ישרתני אתו יכבד אבי׃