שלום אניח לכם את שלומי אתן לכם לא כאשר יתן העולם אנכי נתן לכם אל יבהל לבבכם ואל יחת׃

הלא שמעתם כי אמרתי אליכם אלך לי ואשובה אליכם אם אהב תאהבוני כי עתה תשמחו באמרי לכם כי הלך אני אל האב כי אבי גדול ממני׃

ויהי כראות ישוע אתה בכיה וגם היהודים אשר באו אתה בכים ותזעם רוחו ויהי מרעיד׃

עתה נבהלה נפשי ומה אמר הושיעני אבי מן השעה הזאת אך על כן באתי אל השעה הזאת׃

וכזאת יעשו לכם יען גם את אבי וגם אתי לא ידעו׃

אך על דברי את אלה אליכם מלא לבבכם עצבת׃

וגם אתם כעת תתעצבו אך אשוב אראה אתכם ושש לבכם ואין לקח שמחתכם מכם׃

וביום ההוא לא תשאלוני דבר אמן אמן אני אמר לכם כי כל אשר תשאלו מאת אבי בשמי יתננו לכם׃

האנכי לאדם שיחי ואם מדוע לא תקצר רוחי׃

ואם זכרתי ונבהלתי ואחז בשרי פלצות׃

על כן מפניו אבהל אתבונן ואפחד ממנו׃

ואל הרך לבי ושדי הבהילני׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

אלהי עלי נפשי תשתוחח על כן אזכרך מארץ ירדן וחרמונים מהר מצער׃

יומם יצוה יהוה חסדו ובלילה שירה עמי תפלה לאל חיי׃

ברצח בעצמותי חרפוני צוררי באמרם אלי כל היום איה אלהיך׃

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

אזכרה אלהים ואהמיה אשיחה ותתעטף רוחי סלה׃

ואמר חלותי היא שנות ימין עליון׃

ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

מבליגיתי עלי יגון עלי לבי דוי׃

ותזנח משלום נפשי נשיתי טובה׃

זכר עניי ומרודי לענה וראש׃

זאת אשיב אל לבי על כן אוחיל׃

חדשים לבקרים רבה אמונתך׃

ועתה להפך תסלחו ותנחמו כדי שלא יתבלע האיש בגדל העצבון׃

נחלצים אנחנו בכל ולא נדכאים דאגים ולא נואשים׃

ונשאים בכל עת מיתת האדון ישוע בגויתנו למען יגלו גם חיי ישוע בגויתנו׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃

שלא ימוט איש במצוקות האלה כי ידעתם אף אתם כי לזאת יעדנו׃

הלא כבד אמרנו אליכם בהיותנו אצלכם כי עתידים אנחנו להלחץ כאשר גם היה ואתם ידעתם׃

אשר לא תטרף דעתכם פתאם ואשר לא תבהלו לא ברוח ולא בדבור ולא באגרת כמו שלוחה מאתנו כאלו הגיע יום המשיח׃

על כן חזקו ידים רפות וברכים כשלות׃

ומעגל רגליכם פלסו למען לא תטה הצלעה מן הדרך כי אם תרפא׃

מי אשר לא יכבד את הבן גם את האב אשר שלחו איננו מכבד׃

וזה רצון שלחי אשר כל הראה את הבן ומאמין בו יהיו לו חיי עולמים ואני אקימנו ביום האחרון׃

ויאמר אליה ישוע אנכי התקומה והחיים המאמין בי יחיה גם כי ימות׃

ותאמר אליו כן אדני האמנתי כי אתה המשיח בן האלהים הבא לעולם׃

ויקרא ישוע ויאמר המאמין בי לא בי הוא מאמין כי אם בשלח אתי׃

מעתה אני אמר לכם בטרם היותה למען בבואה תאמינו כי אני הוא׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

ושאבתם מים בששון ממעיני הישועה׃

יצר סמוך תצר שלום שלום כי בך בטוח׃

ואת שר החיים הרגתם אשר האלהים הקימו מן המתים ואנחנו עדיו׃

ולמען אמונת שמו חזק שמו את האיש הזה אשר אתם ראים ומכירים אתו והאמונה אשר לנו על ידו היא העלתה לו את הארכה הזאת לעיני כלכם׃

להיותנו לתהלת כבודו אנחנו אשר יחלנו אל המשיח מאז׃

ואשר גם אתם נטועים בו אחרי שמעכם דבר האמת את בשורת ישועתכם ואשר בו כשהאמנתם גם נחתמתם ברוח ההבטחה רוח הקדש׃

בעבור זאת גם אנכי אחרי שמעי אמונתכם באדנינו ישוע והאהבה אשר אהבתם את כל הקדשים׃

על כן אכרעה על ברכי לאבי אדנינו ישוע המשיח׃

לתת לכם לפי עשר כבודו להתחזק בגבורה על ידי רוחו לאדם הפנימי׃

המאמינים על פיו באלהים אשר הקים אתו מעם המתים ויתן לו כבוד למען היות אמונתכם גם תקוה לאלהים׃

כל המכחש בבן גם האב אין לו׃

ואתם יקם נא בכם הדבר אשר שמעתם מראש ואם יקום בכם אשר שמעתם מראש אז גם אתם תקומו בבן ובאב׃

המאמין בבן האלהים יש לו העדות בנפשו ואשר לא יאמין לאלהים לכזב שמהו יען לא האמין בעדות אשר העיד האלהים על בנו׃

אשר יש לו הבן יש לו החיים ואשר אין לו בן האלהים אין לו החיים׃