והוא בקחתו את פת הלחם מהר לצאת החוצה ויהי לילה׃

ויען ויאמר האיש אשר טבל עמי את ידו בקערה הוא ימסרני׃

ויחלו להתעצב ויאמרו אליו זה אחר זה הכי אני הוא׃

ויען ויאמר אליהם אחד משנים העשר הוא הטבל עמי בקערה׃

אך הנה יד המסר אותי אתי על השלחן׃

ויען אתם ישוע הלא בחרתי אני בכם שנים העשר ואחד מכם שטן הוא׃

זאת אמר על יהודה בן שמעון איש קריות כי עתיד היה למסרו והוא אחד משנים העשר׃

ויאמר אחד מתלמידיו הוא יהודה בן שמעון איש קריות העתיד למסרו׃

והוא לא דבר את זאת מחמלתו על העניים כי אם גנב היה וכיס הכסף אתו וישא כל אשר ישימו בו׃