Matthieu 8:18
ויהי כראות ישוע המון עם רב סביבתיו ויצו לעבר משם אל עבר הים׃
Matthieu 8:23-27
23
וירד אל האניה וירדו אתו תלמידיו׃
24
והנה סער גדול היה בים ותכסה האניה בגלים והוא ישן׃
25
ויגשו אליו תלמידיו ויעירו אותו לאמר הושיענו אדנינו אבדנו׃
26
ויאמר אליהם קטני האמונה למה זה יראתם ויקם ויגער ברוחות ובים ותהי דממה גדולה׃
27
ויתמהו האנשים ויאמרו מי אפוא הוא אמר גם הרוחות והים לו ישמעון׃
Marc 4:35-41
35
ויאמר אליהם ביום ההוא לפנות ערב נעברה העבר׃
36
ויעזבו את המון העם ויקחו אתו כאשר הוא באניה וגם אניות אחרות הלכו עמו׃
37
ותקם רוח סערה גדולה וישטפו הגלים אל תוך האניה עד אשר כמעט נמלאה׃
38
והוא ישן על הכסת באחרי האניה ויעירו אותו ויאמרו אליו רבי האינך דאג לנו כי נאבד׃
39
ויעור ויגער ברוח ויאמר אל הים הס ודם ותשך הרוח ותהי דממה גדולה׃
40
ויאמר אליהם למה ככה אתם חרדים איך אין לכם אמונה׃
41
וייראו יראה גדולה ויאמרו איש אל רעהו מי אפוא הוא אשר גם הרוח והים שמעים לו׃
Jean 6:1
ויהי אחרי כן ויצא ישוע אל עבר ים הגליל אשר לטיבריה׃
Matthieu 14:22
ויאץ ישוע בתלמידיו לרדת באניה לעבר לפניה אל עבר הים עד אשר ישלח את העם׃
Marc 5:21
וישב ישוע לעבר באניה אל עבר הים ויקהל אליו המון רב והוא על שפת הים׃
Marc 6:45
ואחרי כן האיץ בתלמידיו לרדת באניה ולעבור לפניו אל עבר הים אל בית צידה עד שלחו את העם׃
Marc 8:13
ויעזב אותם וירד באניה וישב ויעבר אל עבר הים׃