אשריכם הרעבים כעת כי תשבעו אשריכם הבכים כעת כי תשחקו׃

ויצא פטרוס החוצה וימרר בבכי׃

ויהי כדבר מלאך יהוה את הדברים האלה אל כל בני ישראל וישאו העם את קולם ויבכו׃

ויקראו שם המקום ההוא בכים ויזבחו שם ליהוה׃

וכהתפלל עזרא וכהתודתו בכה ומתנפל לפני בית האלהים נקבצו אליו מישראל קהל רב מאד אנשים ונשים וילדים כי בכו העם הרבה בכה׃

יגעתי באנחתי אשחה בכל לילה מטתי בדמעתי ערשי אמסה׃

סורו ממני כל פעלי און כי שמע יהוה קול בכיי׃

כי עוני אגיד אדאג מחטאתי׃

זבחי אלהים רוח נשברה לב נשבר ונדכה אלהים לא תבזה׃

הזרעים בדמעה ברנה יקצרו׃

הלוך ילך ובכה נשא משך הזרע בא יבוא ברנה נשא אלמתיו׃

לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

בבכי יבאו ובתחנונים אובילם אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא׃

שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי׃

הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃

וגם עתה נאם יהוה שבו עדי בכל לבבכם ובצום ובבכי ובמספד׃

ושפכתי על בית דויד ועל יושב ירושלם רוח חן ותחנונים והביטו אלי את אשר דקרו וספדו עליו כמספד על היחיד והמר עליו כהמר על הבכור׃

אשרי האבלים כי הם ינחמו׃

כי העצבת שהיא כרצון אלהים תפעל תשובה לישועה אשר איש לא יתחרט עליה אבל עצבת העולם פעלת את המות׃

כי ראו נא את אשר נעצבתם כרצון אלהים כמה הביא אתכם זה לידי זריזות גם להתנצלות גם לרגז גם ליראה גם לתשוקה גם לקנאה גם לנקמה ובכל הוכחתם כי נקיים אתם בדבר ההוא׃

התענו והתאבלו ובכו שחקכם יהפך לאבל ושמחתכם ליגון׃

ויפן אל האשה ויאמר אל שמעון הראית את האשה הזאת הנה באתי אל ביתך ומים על רגלי לא נתת והיא הרטיבה את רגלי בדמעות ותנגב בשערותיה׃

יקח נא מעט מים ורחצו רגליכם והשענו תחת העץ׃

ויקם מעל השלחן ויפשט את בגדיו ויקח מטפחת ויחגרה׃

ואחר יצק מים בכיור ויחל לרחץ את רגלי תלמידיו ולנגב במטפחת אשר הוא חגור בה׃

נשיקה לא נשקתני והיא מאז באתי לא חדלה מנשק את רגלי׃

בשמן לא משחת את ראשי והיא בשמן המור משחה את רגלי׃

בכל עת יהיו בגדיך לבנים ושמן על ראשך אל יחסר׃

לריח שמניך טובים שמן תורק שמך על כן עלמות אהבוך׃

ותשרי למלך בשמן ותרבי רקחיך ותשלחי צריך עד מרחק ותשפילי עד שאול׃