איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃

הטו אזנכם ולכו אלי שמעו ותחי נפשכם ואכרתה לכם ברית עולם חסדי דוד הנאמנים׃

לכו אלי כל העמלים והטעונים ואני אניח לכם׃

ואתם אינכם אבים לבוא אלי להיות לכם חיים׃

ויאמר להם ישוע אנכי הוא לחם החיים כל הבא אלי לא ירעב ואשר יאמין בי לא יצמא עוד׃

כל אשר יתננו לי אבי יבוא אלי והבא אלי לא אהדפנו החוצה׃

לא יוכל איש לבוא אלי בלתי אם ימשכהו אבי אשר שלחני ואני אקימנו ביום האחרון׃

הלא כתוב בנביאים וכל בניך למודי יהוה לכן כל אשר שמע מן האב ולמד יבא אלי׃

אשר נגשתם אליו אל אבן חיה אשר מאסו בה בני האדם והיא נבחרה ויקרה לאלהים׃

לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע׃

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון׃

ויאמרו אליו היהודים עתה ידענו כי שד בך הן אברהם והנביאים מתו ואתה אמרת אם ישמר איש את דברי לא יטעם מות לנצח׃

ויען אתם כבר אמרתי לכם הלא שמעתם ומה לכם לשמע שנית התאבו גם אתם להיות תלמידיו׃

ויחרפו אתו ויאמרו אתה תלמידו ואנחנו תלמידיו של משה׃

צאני תשמענה את קולי ואני ידעתין ואחרי תלכנה׃

ויש אשר נפל על האדמה הטובה ויצמח ויעש פרי מאה שערים כזאת דבר ויזעק מי אשר אזנים לו לשמע ישמע׃

ואשר על הסלע הם המקבלים בשמחה את הדבר בשמעם ושרש אין להם רק לשעה מאמינים ובעת הנסיון יסגו אחור׃

והוא אמר ואף כי אשרי השמעים והשמרים את דבר האלהים׃

קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם׃

כי כל אשר יעשה רצון אבי שבשמים הוא אחי ואחותי ואמי׃

אם ידעתם זאת אשריכם אם כן תעשו׃

אם אהבתם אתי את מצותי תשמרו׃

מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃

ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃

כאשר אהבני אבי אהבתי אתכם גם אני ואתם עמדו באהבתי׃

את אלה דברתי אליכם בעבור תהיה שמחתי בכם ותמלא שמחתכם׃

אין לאיש אהבה יתרה מתתו את נפשו בעד ידידיו׃

למתמידים בעשות הטוב ומבקשים את הכבוד וההדר ואת אשר איננו עבד יתן את חיי העולמים׃

צרה ומצוקה על כל נפש אדם עשה הרע על היהודי בראשונה וכן גם על היוני׃

ואחרי אשר השלם היה ממציא תשועת עולמים לכל שמעיו׃

והיו עשי הדבר ולא שמעיו לבד לרמות את נפשכם׃

כי הביט אל מראהו וילך לו וברגע שכח מה תארו׃

לכן היודע לעשות הטוב ולא יעשנו והיה בו חטא׃

לכן אחי הוסיפו והשתדלו לחזק את קריאתכם ובחירתכם כי בעשותכם זאת כשול לא תכשלו׃

אם ידעתם כי צדיק הוא דעו כי כל עשה צדקה נולד ממנו׃

בני אל יתעה אתכם איש העשה צדקה צדיק הוא כאשר הוא צדיק׃

אשרי העשים את מצותיו למען תהיה ממשלתם בעץ החיים ובאו העירה דרך השערים׃