צדיק כתמר יפרח כארז בלבנון ישגה׃

עוד ינובון בשיבה דשנים ורעננים יהיו׃

מה לעשות עוד לכרמי ולא עשיתי בו מדוע קויתי לעשות ענבים ויעש באשים׃

לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

ואנכי נטעתיך שרק כלה זרע אמת ואיך נהפכת לי סורי הגפן נכריה׃

וכבר הושם הגרזן על שרש העצים והנה כל עץ אשר איננו עשה פרי טוב יגדע וישלך באש׃

הכר תכירו אותם בפריהם היאספו ענבים מן הקצים או תאנים מן הברקנים׃

עץ טוב לא יוכל עשות פרי רע ועץ משחת לא יעשה פרי טוב׃

לכן בפרים תכירו אותם׃

או עשו את העץ טוב ופריו טוב או עשו את העץ משחת ופריו משחת כי בפריו נכר העץ׃