וישא משלו ויאמר אליהם לאמר שדה איש עשיר אחד עשה תבואה הרבה׃

ויאמר את זאת אעשה הרס את אסמי ובנה גדולים מהם ואכנסה שמה את כל יבולי וטובי׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

וירא ישוע כי נעצב ויאמר כמה יקשה לבעלי נכסים לבוא אל מלכות האלהים׃

זרעם נכון לפניהם עמם וצאצאיהם לעיניהם׃

שורו עבר ולא יגעל תפלט פרתו ולא תשכל׃

ישאו כתף וכנור וישמחו לקול עוגב׃

ויאמרו לאל סור ממנו ודעת דרכיך לא חפצנו׃

כי לא במותו יקח הכל לא ירד אחריו כבודו׃

תבוא עד דור אבותיו עד נצח לא יראו אור׃

כי אין חרצבות למותם ובריא אולם׃

לכן ענקתמו גאוה יעטף שית חמס למו׃

ימיקו וידברו ברע עשק ממרום ידברו׃

לכן ישיב עמו הלם ומי מלא ימצו למו׃

הנה אלה רשעים ושלוי עולם השגו חיל׃

אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו על נתקו מוסרות׃

נשבע אדני יהוה בקדשו כי הנה ימים באים עליכם ונשא אתכם בצנות ואחריתכן בסירות דוגה׃

עברו כלנה וראו ולכו משם חמת רבה ורדו גת פלשתים הטובים מן הממלכות האלה אם רב גבולם מגבלכם׃

השכבים על מטות שן וסרחים על ערשותם ואכלים כרים מצאן ועגלים מתוך מרבק׃

השתים במזרקי יין וראשית שמנים ימשחו ולא נחלו על שבר יוסף׃

עשרכם בלה ובגדיכם אכלם עש׃

הנה שכר הפעלים אספי קציר שדתיכם אשר עשקתם צעק עליכם וצעקת הקוצרים באה באזני יהוה צבאות׃

הרשעתם והמתם את הצדיק והוא נענה לא יפתח פיו׃

כאשר התרוממה והתענגה כן תנו לה חבל ואבל כי אמרה התרוממה והתענגה כן תנו לה חבל ואבל כי אמרה בלבבה אני ישבתי מלכה ולא אהיה אלמנה ואבל לא אראה׃

ואיש אביון ושמו לעזר משכב פתח שער ביתו והוא מלא אבעבעות׃

ויהי כאשר מת האביון ויובל על ידי המלאכים אל חיק אברהם וימת גם העשיר ויקבר׃

ויצעק ויאמר אבי אברהם חנני ושלח נא את לעזר ויטבל את קצה אצבעו במים למען קרר את לשוני כי עניתי במוקד הזה׃