7
ותהו יראתם אתי מצות אנשים מלמדים׃
8
כי עזבתם את מצות אלהים לאחז בקבלת בני אדם טבילות כדים וכסות וכאלה רבות אתם עשים׃
9
ויאמר אליהם מה יפה עשיתם אשר בטלתם את מצות האלהים כדי שתשמרו את קבלתכם׃
10
כי משה אמר כבד את אביך ואת אמך ומקלל אביו ואמו מות יומת׃
11
ואתם אמרים איש כי יאמר לאביו ולאמו קרבן פרושו מתנה לאלהים כל מה שאתה נהנה לי׃
12
ולא תניחו לו לעשות עוד מאומה לאביו ולאמו׃
13
ותפרו את דבר האלהים על ידי קבלתכם אשר קבלתם והרבה כאלה אתם עשים׃
