אהבת צדק ותשנא רשע על כן משחך אלהים אלהיך שמן ששון מחבריך׃

ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃

ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

הן עבדי אתמך בו בחירי רצתה נפשי נתתי רוחי עליו משפט לגוים יוציא׃

קנה רצוץ לא ישבור ופשתה כהה לא יכבנה לאמת יוציא משפט׃

אדני יהוה נתן לי לשון למודים לדעת לעות את יעף דבר יעיר בבקר בבקר יעיר לי אזן לשמע כלמודים׃

ואני זאת בריתי אותם אמר יהוה רוחי אשר עליך ודברי אשר שמתי בפיך לא ימושו מפיך ומפי זרעך ומפי זרע זרעך אמר יהוה מעתה ועד עולם׃

יתיצבו מלכי ארץ ורוזנים נוסדו יחד על יהוה ועל משיחו׃

ואני נסכתי מלכי על ציון הר קדשי׃

שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃

הוא פגש בראשונה את שמעון אחיו ויאמר אליו את המשיח מצאנו אשר תרגומו כריסטוס׃

כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת׃

את אשר משח האלהים את ישוע הנצרי ברוח הקדש ובגבורה ויעבר בארץ עשה חסד ורפא את כל הנכבשים תחת יד השטן כי האלהים היה עמו׃

והוא נשא את עיניו אל תלמידיו ויאמר אשריכם העניים כי לכם מלכות האלהים׃

ויען ישוע ויאמר להם לכו והגידו ליוחנן את אשר ראיתם ואשר שמעתם כי עורים ראים ופסחים מתהלכים ומצרעים מטהרים וחרשים שומעים ומתים קמים ועניים מתבשרים׃

ויספו ענוים ביהוה שמחה ואביוני אדם בקדוש ישראל יגילו׃

והשארתי בקרבך עם עני ודל וחסו בשם יהוה׃

ותפר ביום ההוא וידעו כן עניי הצאן השמרים אתי כי דבר יהוה הוא׃

אשרי עניי רוח כי להם מלכות השמים׃

עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם׃

שמעו אחי אהובי הלא בעניי העולם הזה בחר האלהים להיות עשירים באמונה וירשי המלכות אשר הבטיח לאהביו׃

יען רך לבבך ותכנע מלפני אלהים בשמעך את דבריו על המקום הזה ועל ישביו ותכנע לפני ותקרע את בגדיך ותבך לפני וגם אני שמעתי נאם יהוה׃

קרוב יהוה לנשברי לב ואת דכאי רוח יושיע׃

זבחי אלהים רוח נשברה לב נשבר ונדכה אלהים לא תבזה׃

הרפא לשבורי לב ומחבש לעצבותם׃

כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃

ואת כל אלה ידי עשתה ויהיו כל אלה נאם יהוה ואל זה אביט אל עני ונכה רוח וחרד על דברי׃

ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה׃

לשמע אנקת אסיר לפתח בני תמותה׃

ישבי חשך וצלמות אסירי עני וברזל׃

ויכנע בעמל לבם כשלו ואין עזר׃

יוציאם מחשך וצלמות ומוסרותיהם ינתק׃

כי שבר דלתות נחשת ובריחי ברזל גדע׃

עשה משפט לעשוקים נתן לחם לרעבים יהוה מתיר אסורים׃

לפקח עינים עורות להוציא ממסגר אסיר מבית כלא ישבי חשך׃

אנכי העירתהו בצדק וכל דרכיו אישר הוא יבנה עירי וגלותי ישלח לא במחיר ולא בשחד אמר יהוה צבאות׃

לאמר לאסורים צאו לאשר בחשך הגלו על דרכים ירעו ובכל שפיים מרעיתם׃

היקח מגבור מלקוח ואם שבי צדיק ימלט׃

כי כה אמר יהוה גם שבי גבור יקח ומלקוח עריץ ימלט ואת יריבך אנכי אריב ואת בניך אנכי אושיע׃

התנערי מעפר קומי שבי ירושלם התפתחו מוסרי צוארך שביה בת ציון׃

כי כה אמר יהוה חנם נמכרתם ולא בכסף תגאלו׃

גם את בדם בריתך שלחתי אסיריך מבור אין מים בו׃

שובו לבצרון אסירי התקוה גם היום מגיד משנה אשיב לך׃

אשר הוא חלצנו מממשלת החשך והעבירנו למלכות בן אהבתו׃

יהוה פקח עורים יהוה זקף כפופים יהוה אהב צדיקים׃

ושמעו ביום ההוא החרשים דברי ספר ומאפל ומחשך עיני עורים תראינה׃

ויספו ענוים ביהוה שמחה ואביוני אדם בקדוש ישראל יגילו׃

ולא תשעינה עיני ראים ואזני שמעים תקשבנה׃

אז תפקחנה עיני עורים ואזני חרשים תפתחנה׃

והולכתי עורים בדרך לא ידעו בנתיבות לא ידעו אדריכם אשים מחשך לפניהם לאור ומעקשים למישור אלה הדברים עשיתם ולא עזבתים׃

החרשים שמעו והעורים הביטו לראות׃

קומי אורי כי בא אורך וכבוד יהוה עליך זרח׃

כי הנה החשך יכסה ארץ וערפל לאמים ועליך יזרח יהוה וכבודו עליך יראה׃

וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק׃

העם ההלכים בחשך ראו אור גדול וישבי בארץ צלמות אור נגה עליהם׃

ויעבר ישוע משם וילכו אחריו שני אנשים עורים והמה צעקעם ואמרים חננו בן דוד׃

ויגע בעיניהם ויאמר יעשה לכם כאמונתכם׃

עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם׃

ויאמר ישוע אני לדין באתי לעולם הזה למען יראו העורים והראים יכו בעורון׃

ויאמר אליהם אם עורים הייתם לא היה בכם חטא ועתה כי אמרתם פקחים אנחנו חטאתכם תעמד׃

אני באתי לאור אל העולם למען כל אשר יאמין בי לא ישב בחשך׃

לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃

כי מלפנים הייתם חשך ועתה הנכם אור באדנינו התהלכו נא כבני אור׃

ובחנו מה הוא רצוי בעיני אדנינו׃

כי מה שהם עשים בסתר חרפה היא אך לספר׃

על כן הוא אומר עורה הישן וקומה מן המתים ויאר לך המשיח׃

אתם כלכם בני האור ובני היום לא בני הלילה אנחנו ולא בני החשך׃

לכן אל נא נרדם כמו האחרים כי אם נשקד וננזר׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃

ועוד מצוה חדשה אני כתב לכם אשר היא אמת גם בו גם בכם כי החשך עבר והאור האמתי כבר זורח׃

האהב את אחיו יעמד באור ומכשול אין בו׃

ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב׃

קנה רצוץ לא ישבור ופשתה כהה לא יכבנה לאמת יוציא משפט׃

קנה רצוץ לא ישבור ופשתה כהה לא יכבנה עד יוציא לנצח משפט׃