BethYeshoua - publications et enseignements

Matthieu 3:13-15

ויבא ישוע מן הגליל הירדנה אל יוחנן להטבל על ידו׃

ויוחנן חשך אותו לאמר אני צריך להטבל על ידך ואתה בא אלי׃

ויען ישוע ויאמר אליו הניחה לי כי כן נאוה לנו למלא כל הצדקה וינח לו׃

Marc 1:9

ויהי בימים ההם ויבא ישוע מנצרת אשר בגליל ויטבל על ידי יוחנן בירדן׃

Jean 1:32-34

ויעד יוחנן ויאמר חזיתי הרוח כדמות יונה ירדת משמים ותנח עליו׃

ואני לא ידעתיו אולם השלח אתי לטבל במים הוא אמר אלי את אשר תראה הרוח ירדת ונחה עליו הנה זה הוא אשר יטבל ברוח הקדש׃

ואני ראיתי ואעידה כי זה הוא בן האלהים׃

Luc 9:28

ויהי כשמנה ימים אחרי הדברים האלה ויקח אליו את פטרוס ואת יוחנן ואת יעקב ויעל אל ההר להתפלל שם׃

Luc 9:29

ויהי בהתפללו נשתנה מראה פניו ולבושו הלבין והבריק׃

Jean 12:27

עתה נבהלה נפשי ומה אמר הושיעני אבי מן השעה הזאת אך על כן באתי אל השעה הזאת׃

Jean 12:28

אבי פאר את שמך ותצא בת קול מן השמים גם פארתי וגם אוסיף לפאר׃

Matthieu 3:16

ויהי כאשר נטבל ישוע וימהר לעלות מן המים והנה נפתחו לו השמים וירא את רוח אלהים יורדת כיונה ונחה עליו׃

Matthieu 3:17

והנה קול מן השמים אומר זה בני ידידי אשר רצתה נפשי בו׃

Marc 1:10

ויהי אך עלה עלה מן המים וירא את השמים נבקעים והרוח כיונה ירדת עליו׃

Jean 1:32-34

ויעד יוחנן ויאמר חזיתי הרוח כדמות יונה ירדת משמים ותנח עליו׃

ואני ראיתי ואעידה כי זה הוא בן האלהים׃