ויהי המה הלכים הלוך ודבר והנה רכב אש וסוסי אש ויפרדו בין שניהם ויעל אליהו בסערה השמים׃

ויהי אחרי אשר דבר אתם האדון וינשא השמימה וישב לימין האלהים׃

ויאמר אליה ישוע אל תגעי בי כי עוד לא עליתי אל אבי אך לכי נא אל אחי ואמרי אליהם אני עלה אל אבי ואביכם ואל אלהי ואלהיכם׃

ויהי כדברו זאת העלה והם ראים וישאהו ענן מנגד עיניהם׃

על כן הוא אומר עלה למרום שבה שבי ויתן מתנות לאדם׃

הירד הוא אשר גם עלה למעלה מכל השמים למען ימלא את הכל׃

והוא זהר כבודו וצלם ישותו ונושא כל בדבר גבורתו ואחרי עשתו בנפשו טהרת חטאתינו ישב לימין הגדלה במרומים׃

ועתה בהיות לנו כהן ראש גדול אשר עבר בשמים הוא ישוע בן האלהים נחזיקה בהודאתנו׃