יהוה מנת חלקי וכוסי אתה תומיך גורלי׃

אברך את יהוה אשר יעצני אף לילות יסרוני כליותי׃

לכן שמח לבי ויגל כבודי אף בשרי ישכן לבטח׃

תודיעני ארח חיים שבע שמחות את פניך נעמות בימינך נצח׃

יראי יהוה הללוהו כל זרע יעקב כבדוהו וגורו ממנו כל זרע ישראל׃

מאתך תהלתי בקהל רב נדרי אשלם נגד יראיו׃

תהלה לדוד ארוממך אלוהי המלך ואברכה שמך לעולם ועד׃

בכל יום אברכך ואהללה שמך לעולם ועד׃

אכן נכספו למושב טוב ממנו והוא בשמים ועל כן לא בוש האלהים להקרא אלהיהם כי הכין להם עיר׃

כאשר שלחני האב החי ואנכי חי בגלל אבי כן האכל אתי גם הוא יחיה בגללי׃

ויאמר אליה ישוע אנכי התקומה והחיים המאמין בי יחיה גם כי ימות׃

וכל החי אשר יאמין בי לא ימות לעולם התאמיני זאת׃

עוד מעט והעולם לא יוסיף לראות אתי ואתם תראוני כי חי אני וגם אתם חיה תחיו׃

כי אשר מת מת לחטא פעם אחת ואשר חי חי הוא לאלהים׃

וכן גם אתם חשבו אתכם מתים לחטא וחיים לאלהים במשיח ישוע אדנינו׃

אכן עתה בהיותכם משחררים מידי החטא ומשעבדים לאלהים יש לכם פריכם לקדשה ואחריתו חיי עולם׃

כי שכר החטא הוא המות ומתנת חסד אלהים היא חיי העולם במשיח ישוע אדנינו׃

כי אין איש מאתנו אשר יחיה לנפשו ואין איש אשר ימות לנפשו׃

כי לזאת מת המשיח ויקם ויחי למען יהיה אדון גם על המתים גם על החיים׃

ואי זה דבק יש להיכל אלהים עם האלילים כי אתם היכל אלהים חיים כמו שאמר האלהים ושכנתי והתהלכתי בתוכם והייתי להם לאלהים והם יהיו לי לעם׃

כי אם גם נצלב בחלשה אכן חי הוא בגבורת אלהים ואם גם חלשים בו אנחנו אכן נחיה עמו בגבורת אלהים לנגדכם׃

כי מתם וחייכם צפונים עם המשיח באלהים׃

בעת הגלות המשיח אשר הוא חייכם גם אתם תגלו עמו בכבוד׃

לכן הנם לפני כסא האלהים ומשרתים אותו בהיכלו יומם ולילה והישב על הכסא יתן משכנו עליהם׃

כי השה אשר בתוך הכסא הוא ירעם ועל מבועי מים חיים ינהלם ומחה אליהם כל דמעה מעיניהם׃

ויראני נחל של מים חיים זך מבהיק כעין הקרח יצא מכסא האלהים והשה׃