ויאמר כי אהיה עמך וזה לך האות כי אנכי שלחתיך בהוציאך את העם ממצרים תעבדון את האלהים על ההר הזה׃

בלכתך היום מעמדי ומצאת שני אנשים עם קברת רחל בגבול בנימן בצלצח ואמרו אליך נמצאו האתנות אשר הלכת לבקש והנה נטש אביך את דברי האתנות ודאג לכם לאמר מה אעשה לבני׃

ושאלו לך לשלום ונתנו לך שתי לחם ולקחת מידם׃

וצלחה עליך רוח יהוה והתנבית עמם ונהפכת לאיש אחר׃

ואנכי תולעת ולא איש חרפת אדם ובזוי עם׃

מי האמין לשמעתנו וזרוע יהוה על מי נגלתה׃

ויעל כיונק לפניו וכשרש מארץ ציה לא תאר לו ולא הדר ונראהו ולא מראה ונחמדהו׃