Matthieu 21:1-11
1
ויהי כאשר קרבו לירושלים ובאו אל בית פגי בהר הזיתים וישלח ישוע שנים מן התלמידים׃
2
ויאמר אליהם לכו אל הכפר אשר ממולכם שם תמצאו אתון אסורה ועיר עמה התירו אתם והביאו אלי׃
3
וכי יאמר איש אליכם דבר ואמרתם האדון צריך להם וברגע ישלחם׃
4
וכל זאת היתה למלאת הנאמר ביד הנביא לאמר׃
5
אמרו לבת ציון הנה מלכך יבוא לך עני ורכב על חמור ועל עיר בן אתנות׃
6
וילכו התלמידים ויעשו כאשר צוה אתם ישוע׃
7
ויביאו את האתון ואת העיר וישימו עליהם את בגדיהם וירכיבהו עליהם׃
8
ורב ההמון פרשו את בגדיהם על הדרך ואחרים כרתו ענפי עצים וישטחום על הדרך׃
9
והמון העם ההלכים לפניו ואחריו קראו לאמר הושע נא לבן דוד ברוך הבא בשם יהוה הושע נא במרומים׃
10
ויהי בבאו ירושלים ותהם כל העיר לאמר מי הוא זה׃
11
ויאמרו המני העם זה הוא הנביא ישוע מנצרת אשר בגליל׃
Marc 11:1-11
1
ויהי כאשר קרבו לירושלים אל בית פגי ובית היני בהר הזיתים וישלח שנים מתלמידיו׃
2
ויאמר אליהם לכו אל הכפר אשר ממולכם והיה כבאכם שמה תמצאו עיר אסור אשר לא ישב עליו אדם אותו התירו והביאו׃
3
וכי יאמר אליכם איש למה תעשו זאת ואמרתם האדון צריך לו וברגע ישלחנו הנה׃
4
וילכו וימצאו העיר אסור אל השער בחוץ על אם הדרך ויתירוהו׃
5
ואנשים מן העמדים שם אמרו אליהם מה זאת תעשו להתיר את העיר׃
6
ויאמרו אליהם כאשר צום ישוע ויניחו להם׃
7
ויביאו את העיר אל ישוע וישליכו עליו את בגדיהם וישב עליו׃
8
ורבים פרשו את בגדיהם על הדרך ואחרים כרתו ענפים מן העצים וישטחו על הדרך׃
9
וההלכים לפניו ואחריו צעקים לאמר הושע נא ברוך הבא בשם יהוה׃
10
ברוכה מלכות דוד אבינו הבאה בשם יהוה הושע נא במרומים׃
11
ויבא ישוע ירושלים ואל בית המקדש וירא ויתבונן על הכל והיום רפה לערוב ויצא אל בית היני עם שנים העשר׃
Jean 12:12-16
12
ויהי ממחרת כשמוע המון רב אשר באו לחג החג כי יבא ישוע ירושלים׃
13
ויקחו בידם כפות תמרים ויצאו לקראתו ויריעו לאמר הושע נא ברוך הבא בשם יהוה מלך ישראל׃
14
וימצא ישוע עיר אחד וירכב עליו כאשר כתוב׃
15
אל תיראי בת ציון הנה מלכך יבוא לך רכב על עיר בן אתנות׃
16
וכל זאת לא הבינו תלמידיו בראשונה אך אחרי אשר נתפאר ישוע זכרו כי כן כתוב עליו וכי זאת עשו לו׃
Luc 19:37
ויקרב אל מורד הר הזיתים ויחלו כל המון התלמידים לשבח את האלהים בשמחה ובקול גדול על כל הגבורות אשר ראו לאמר׃
Luc 21:37
ויהי מלמד יומם במקדש ובלילה יצא בהר הנקרא הר הזיתים ללון׃
Luc 22:39
ויצא וילך כיום ביום על הר הזיתים וילכו אחריו גם תלמידיו׃
Luc 24:50
ויוליכם מחוץ לעיר עד בית היני וישא את ידיו ויברכם׃
Zacharie 14:4
ועמדו רגליו ביום ההוא על הר הזתים אשר על פני ירושלם מקדם ונבקע הר הזיתים מחציו מזרחה וימה גיא גדולה מאד ומש חצי ההר צפונה וחציו נגבה׃
Actes 1:12
ויפנו וילכו ירושלימה מן ההר הנקרא הר הזיתים והוא קרוב לירושלים דרך תחום שבת׃