אך בקשו את מלכות האלהים ונוסף לכם כל אלה׃

אל תירא העדר הקטן כי רצה אביכם לתת לכם את המלכות׃

ויהוה שב את שבית איוב בהתפללו בעד רעהו ויסף יהוה את כל אשר לאיוב למשנה׃

טוב מעט לצדיק מהמון רשעים רבים׃

כן אברכך בחיי בשמך אשא כפי׃

כמו חלב ודשן תשבע נפשי ושפתי רננות יהלל פי׃

כי טוב יום בחצריך מאלף בחרתי הסתופף בבית אלהי מדור באהלי רשע׃

יהוה צבאות אשרי אדם בטח בך׃

טוב לי תורת פיך מאלפי זהב וכסף׃

מה נמלצו לחכי אמרתך מדבש לפי׃

נחלתי עדותיך לעולם כי ששון לבי המה׃

על כן אהבתי מצותיך מזהב ומפז׃

שש אנכי על אמרתך כמוצא שלל רב׃

ומה אפוא הפרי שהיה לכם אז מן המעשים אשר עתה תבשו מהם כי אחריתם המות׃

כי שכר החטא הוא המות ומתנת חסד אלהים היא חיי העולם במשיח ישוע אדנינו׃

כי הרגל הגוף יועיל מעט אבל החסידות תועיל לכל דבר ויש לה הבטחת חיי העולם הזה והעולם הבא׃

ואף אמנם יתרון גדול היא החסידות עם לב שמח בגורלו׃

רחקו מאהבת כסף ושמחו בחלקכם כי הוא אמר לא ארפך ולא אעזבך׃

על כן נבטח ונאמר יהוה לי בעזרי לא אירא מה יעשה לי אדם׃

אל תירא את אשר עליך לסבל הנה עתיד המלשין להשליך מכם לבית המשמר למען תנסו והייתם בצרה עשרת ימים היה נאמן עד מות ואתנה לך עטרת החיים׃

מי אשר אזן לו ישמע את אשר הרוח אמר לקהלות המנצח אאכילנו מן המן הגנוז ונתתי לו אבן לבנה ועל האבן מפתח שם חדש אשר לא ידענו איש זולתי המקבל׃

המנצח אתננו לשבת אתי על כסאי כאשר נצחתי גם אנכי ואשב את אבי על כסאו׃