ויקרא יהוה אלהים אל האדם ויאמר לו איכה׃

ויאמר מי הגיד לך כי עירם אתה המן העץ אשר צויתיך לבלתי אכל ממנו אכלת׃

ויאמר יהוה אל קין אי הבל אחיך ויאמר לא ידעתי השמר אחי אנכי׃

ויאמר מה עשית קול דמי אחיך צעקים אלי מן האדמה׃

ויאמר יהוה זעקת סדם ועמרה כי רבה וחטאתם כי כבדה מאד׃

ארדה נא ואראה הכצעקתה הבאה אלי עשו כלה ואם לא אדעה׃

ויאמר להם למה תעשון כדברים האלה אשר אנכי שמע את דבריכם רעים מאת כל העם אלה׃

אל בני כי לוא טובה השמעה אשר אנכי שמע מעברים עם יהוה׃

כי הגד לי עליכם ביד בני בית כלואה כי יש מריבות ביניכם׃

יש בני אדם אשר חטאתיהם גלויות ומקדימות לדין ויש מהם אשר הנה הלכות אחריהם׃

ויאמר האדון מי הוא אפוא הסכן הנאמן והנבון אשר יפקידהו האדון על עבדתו לתת את ארחתם בעתו׃

שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט׃

והסר כעס מלבך והעבר רעה מבשרך כי הילדות והשחרות הבל׃

כי את כל מעשה האלהים יבא במשפט על כל נעלם אם טוב ואם רע׃

ואני אמר לכם כל מלה בטלה אשר ידברו בני האדם יתנו עליה חשבון ביום הדין׃

הנה נא כל אחד ממנו על נפשו יתן חשבון לאלהים׃

הנה סוף דבר שלא יבקש מן הסכנים כי אם להמצא נאמן׃

על כן אל תשפטו שפוט לפני העת עד כי יבוא האדון אשר גם יוציא לאור את תעלמות החשך ויגלה את עצת הלבבות ואז תהיה תהלה לכל איש מאת האלהים׃

כי כלנו עתידים להראות לפני כסא דין המשיח למען יקבל איש ואיש כפי פעלו בחיי גופו אם טוב ואם רע׃

אשר יתנו חשבון לפני העתיד לשפט החיים והמתים׃

איש איש כמתן החסד אשר קבל תעזרו איש לרעהו כגזברים ממנים על חסדי אלהים הרבים׃

ואל תקל בעיניך מתנת החסד אשר בך הנתונה לך בנבואה עם סמיכת ידי הזקנים׃

וארא את המתים הקטנים עם הגדלים עמדים לפני הכסא וספרים נפתחים ויפתח ספר אחר אשר הוא ספר החיים וישפטו המתים על פי הכתוב בספרים כמעשיהם׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

מפני יראתי אתך כי אתה איש קשה לקח את אשר לא הנחת וקצר את אשר לא זרעת׃

ולמה לא נתת את כספי לשלחני ואני בבואי הייתי תובע אותו במרבית׃

ויאמרו אליו אדנינו יש לו עשרת מנים׃