ויד יהוה היתה אל אליהו וישנס מתניו וירץ לפני אחאב עד באכה יזרעאלה׃

חגרה בעוז מתניה ותאמץ זרעותיה׃

אין עיף ואין כושל בו לא ינום ולא יישן ולא נפתח אזור חלציו ולא נתק שרוך נעליו׃

והיה צדק אזור מתניו והאמונה אזור חלציו׃

עמדו נא חגורי מתנים באמת ומלבשים בשריון הצדק׃

לכן חגרו מתני שכלכם התעוררו וקוו קוה לחסד אשר יבואכם בהתגלות ישוע המשיח׃

כן יאר אורכם לפני בני האדם למען יראו מעשיכם הטובים ושבחו את אביכים שבשמים׃

אז תדמה מלכות השמים לעשר עלמות אשר לקחו את נרותיהן ותצאנה לקראת החתן׃

והחכמות לקחו שמן בכליהן ואת נרותיהן׃

ויהי בחצות הלילה ותהי צוחה הנה החתן צאינה לקראתו׃

ותאמרנה הכסילות אל החכמות תנה לנו משמנכן כי יכבו נרותינו׃

ויהי בעת לכתן לקנות ויבוא החתן והנכנות ללכת באו אתו אל החתנה ותסגר הדלת׃

למען תהיו נקיים וטהורים בני אלהים לא מום בם בתוך דור עקש ופתלתל אשר תאירו ביניהם כמאורת בעולם׃