והפרושים אמרו על ידי שר השדים מגרש הוא את השדים׃

והפרושים כשמעם זאת אמרו זה איננו מגרש את השדים כי אם על ידי בעל זבוב שר השדים׃

והשטן אם יגרש את השטן נחלק על עצמו ואיככה תכון ממלכתו׃

אך אם ברוח אלהים אני מגרש את השדים הנה הגיעה אליכם מלכות האלהים׃

כל אשר איננו אתי הוא לנגדי ואשר איננו מכנס אתי הוא מפזר׃

והסופרים אשר ירדו מירושלים אמרו כי בעל זבוב נכנס בו ועל ידי שר השדים הוא מגרש את השדים׃

ואם נחלקה ממלכה על עצמה לא תוכל לעמד הממלכה ההיא׃

ואם השטן יתקומם אל עצמו ונחלק לא יוכל לעמד כי בא קצו׃

אמן אמר אני לכם כי כל החטאים יסלחו לבני אדם וכל הגדופים אשר יגדפו׃

כי המה אמרו רוח טמאה בו׃

ויען העם ויאמר שד בקרבך מי מבקש להרגך׃

אז יענו היהודים ויאמרו אליו הלא הטבנו אשר דברנו כי שמרוני אתה ושד בך׃

ויאמרו אליו היהודים עתה ידענו כי שד בך הן אברהם והנביאים מתו ואתה אמרת אם ישמר איש את דברי לא יטעם מות לנצח׃

ויאמרו רבים מהם שד בו ומשגע הוא למה תשמעו אליו׃

וגם השטן אם נחלק על עצמו איככה תכון ממלכתו כי אמרתם שבבעל זבוב מגרש אני את השדים׃

ואם אני מגרש את השדים בבעל זבוב בניכם במי הם מגרשים אתם על כן המה יהיו שפטיכם׃