ויגש אליו ויחבש את פצעיו ויסוכם בשמן ויין ויעלהו על בהמתו ויוליכהו אל המלון ויכלכלהו׃

כי תפגע שור איבך או חמרו תעה השב תשיבנו לו׃

כי תראה חמור שנאך רבץ תחת משאו וחדלת מעזב לו עזב תעזב עמו׃

בנפל אויביך אל תשמח ובכשלו אל יגל לבך׃

פן יראה יהוה ורע בעיניו והשיב מעליו אפו׃

אם רעב שנאך האכלהו לחם ואם צמא השקהו מים׃

כי גחלים אתה חתה על ראשו ויהוה ישלם לך׃

שמעתם כי נאמר ואהבת לרעך ושנאת את איבך׃

למען תהיו בנים לאביכם שבשמים אשר הוא מזריח שמשו לרעים ולטובים וממטיר על הצדיקים וגם על הרשעים׃

לכן אם רעב שנאך האכילהו לחם ואם צמא השקהו מים כי גחלים אתה חתה על ראשו׃

וראו פן ישלם איש לאיש רעה תחת רעה כי אם רדפו בכל עת את הטוב הן לאיש איש מכם הן לכל אדם׃

הרפא לשבורי לב ומחבש לעצבותם׃

על מה תכו עוד תוסיפו סרה כל ראש לחלי וכל לבב דוי׃

מכף רגל ועד ראש אין בו מתם פצע וחבורה ומכה טריה לא זרו ולא חבשו ולא רככה בשמן׃

את אשר היה לאל ידה עשתה קדמה למשוח את גופי לחנטו׃

ותלד את בנה הבכור ותחתלהו ותשכיבהו באבוס כי לא היה להם מקום במלון׃

ויפתח האחד את שקו לתת מספוא לחמרו במלון וירא את כספו והנה הוא בפי אמתחתו׃

ויהי בדרך במלון ויפגשהו יהוה ויבקש המיתו׃