Job 5:26
תבוא בכלח אלי קבר כעלות גדיש בעתו׃
2 Timothée 4:7
המלחמה הטובה נלחמתי את המרוצה השלמתי את האמונה שמרתי׃
2 Timothée 4:8
ומעתה שמור לי כתר הצדקה אשר ביום ההוא יתננו לי האדון השפט הצדיק ולא לי לבדי כי גם לכל אהבי הופעתו׃
Esaïe 57:1
הצדיק אבד ואין איש שם על לב ואנשי חסד נאספים באין מבין כי מפני הרעה נאסף הצדיק׃
Esaïe 57:2
יבוא שלום ינוחו על משכבותם הלך נכחו׃
Joël 3:13
שלחו מגל כי בשל קציר באו רדו כי מלאה גת השיקו היקבים כי רבה רעתם׃
Matthieu 13:30
הניחו אתם ויגדלו שניהם יחד עד הקציר והיה בעת הקציר אמר לקוצרים לקטו בראשונה את הזונין ואגדו אתם אגדות לשרפם ואת החטים אספו לאוצרי׃
Matthieu 13:40-43
40
והנה כאשר ילקטו הזונין ונשרפו באש כן יהיה בקץ העולם הזה׃
41
בן האדם ישלח את מלאכיו ולקטו ממלכותו את כל המכשלות ואת כל פעלי האון׃
42
והשליכו אתם אל תנור האש שם תהיה היללה וחרק השנים׃
43
אז יזהירו הצדיקים כשמש במלכות אביהם מי אשר אזנים לו לשמע ישמע׃
Apocalypse 14:13-17
13
ואשמע קול מן השמים מדבר אלי כתב אשרי המתים אשר ימותו באדון מעתה אמנם כן אמר הרוח למען ינוחו מעמלם ומעשיהם הלך ילכו אחריהם׃
14
וארא והנה ענן בהיר ועל הענן ישב כדמות בן אדם ועל ראשו עטרת זהב ובידו מגל מלטש׃
15
ומלאך אחר יצא מן ההיכל ויזעק בקול גדול אל הישב על הענן לאמר שלח מגלך וקצר כי באה העת לקצר כי יבש קציר הארץ׃
16
וישלח הישב בענן את מגלו בארץ והארץ נקצרה׃
17
ומלאך אחר יצא מן ההיכל אשר בשמים וגם לו מגל מלטש בידו׃