והתלמידים בראתם אותו מתהלך על פני הים נבהלו לאמר מראה רוח הוא ויצעקו מפחד׃

וידבר ישוע פתאם אליהם חזקו כי אני הוא אל תיראו׃

ומפחדו נבהלו השמרים ויהיו כמתים׃

ויען המלאך ויאמר אל הנשים אתן אל תיראן הן ידעתי כי את ישוע הנצלב אתן מבקשות׃

וכראתי אותו ואפל לרגליו כמת וישת עלי יד ימינו ויאמר אל תירא אני הראשון והאחרון והחי׃

ואהי מת והנני חי לעולמי עולמים אמן ובידי מפתחות שאול ומות׃

התהללו בשם קדשו ישמח לב מבקשי יהוה׃

דרשו יהוה ועזו בקשו פניו תמיד׃

אני אהביה אהב ומשחרי ימצאנני׃

ופילטוס כתב על לוח וישם על הצלב וזה מכתבו ישוע הנצרי מלך היהודים׃

ויהודים רבים קראו את המכתב הזה כי המקום אשר נצלב שם ישוע היה קרוב אל העיר והמכתב היה בלשון עבר יון ורומי׃

אנשי ישראל שמעו הדברים האלה ישוע הנצרי האיש אשר נאמן לכם מאת האלהים בגבורות ובמופתים ובאתות אשר האלהים עשה על ידו בתוככם כאשר ידעתם גם אתם׃

אתו הנמסר על פי עצת האלהים הנחרצה וידיעתו מקום לקחתם ובידי רשעים הוקעתם והרגתם אתו׃

יודע לכלכם ולכל עם ישראל כי בשם ישוע המשיח הנצרי אשר צלבתם אותו ואשר האלהים הקימו מן המתים כי בשמו עמד זה לפניכם בריא׃

את אשר משח האלהים את ישוע הנצרי ברוח הקדש ובגבורה ויעבר בארץ עשה חסד ורפא את כל הנכבשים תחת יד השטן כי האלהים היה עמו׃

אותו הקים האלהים ביום השלישי ויתנהו להראות בגלוי׃

וירדו מן ההר ויזהירם לבלתי הגיד לאיש את אשר ראו עד כי יקום בן האדם מן המתים׃

וישמרו את הדבר בלבבם וידרשו לדעת מה היא התקומה מן המתים׃

ויהתלו בו ויכהו בשוטים וירקו בפניו וימיתהו וביום השלישי קום יקום׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

כי כאשר היה יונה במעי הדג שלשה ימים ושלשה לילות כן יהיה בן האדם בלב האדמה שלשה ימים ושלשה לילות׃

איננו פה כי קם כאשר אמר באנה ראינה את המקום אשר שכב שם האדון׃

ומהרתן ללכת ואמרתן אל תלמידיו כי קם מן המתים והנה הוא הולך לפניכם הגלילה ושם תראהו הנה אמרתי לכן׃

ויהי הנה נבכות על הדבר הזה והנה שני אנשים עמדו עליהן ולבושיהם מזהירים׃

איננו פה כי קם זכרנה את אשר דבר אליכן בעוד היותו בגליל לאמר׃

ותזכרנה את דבריו׃

ואת אשר כהנינו הגדולים וזקנינו הסגירהו למשפט מות ויצלבהו׃

והנה גם נשים מקרבנו החרידנו אשר קדמו בבקר לבא לקבר׃

וילכו אנשים משלנו אל הקבר וימצאו כאשר אמרו הנשים ואותו לא ראו׃

הלא על המשיח היה לסבל את כל זאת ולבוא אל כבודו׃

ויען ישוע ויאמר אליהם הרסו את ההיכל הזה ובשלשה ימים אקימנו׃

והוא דבר על היכל גויתו׃

כי מסרתי לכם בראשונה את אשר גם קבלתי כי המשיח מת בעד חטאתינו כפי הכתובים׃

וכי נראה אל כיפא ואחריו אל שנים העשר׃

ואחרי כן נראה אל יעקב ואחריו אל כל השליחים׃