וקראתי עליו לכל הרי חרב נאם אדני יהוה חרב איש באחיו תהיה׃

טובם כחדק ישר ממסוכה יום מצפיך פקדתך באה עתה תהיה מבוכתם׃

כי בן מנבל אב בת קמה באמה כלה בחמתה איבי איש אנשי ביתו׃

והיה אח ימסר את אחיו למות ואב ימסר את בנו וקמו בנים באבותם וימיתו אותם׃

ואז יכשלו רבים ומסרו איש את רעהו ושנאו איש את אחיו׃

כי מעתה חמשה בבית אחד יחלקו שלשה על שנים ושנים על שלשה׃

האב יחלק על הבן והבן על האב האם על הבת והבת על האם החמות על הכלה והכלה על החמות׃

וגם תמסרו על ידי יולדיכם ואחיכם וקרוביכם ורעיכם וימיתו מכם׃