1
אז ידבר ישוע אל המון העם ואל תלמידיו לאמר׃
2
על כסא משה ישבו הסופרים והפרושים׃
3
לכן כל אשר יאמרו לכם תשמרו לעשות אך כמעשיהם לא תעשו כי אמרים הם ואינם עשים׃
4
כי אסרים משאת כבדים ועמסים על שכם האנשים ולא יאבו להניעם אף באצבעם׃
5
ועשים את כל מעשיהם להראות בהם לבני אדם כי מרחיבים את תפליהם ומגדילים את ציציותיהם׃
6
ואהבים את הסבת הראש בסעודות ואת מושבי הראש בבתי הכנסיות׃
7
ואת שאלות שלומם בשוקים ואת אשר יקראו להם בני האדם רבי רבי׃
