והתלמידים כשמעם זאת השתוממו מאד ויאמרו מי אפוא יוכל להושע׃

ויאמרו השמעים ומי יוכל להושע׃

ויאמר מה שיפלא מבני אדם לא יפלא מאלהים׃

ורבים מתלמידיו כשמעם אמרו קשה הדבר הזה מי יוכל לשמע אתו׃

בני עוד מעט מזער אהיה עמכם אתם תבקשוני וכאשר אמרתי אל היהודים כי אל אשר אני הולך לא תוכלו לבוא שמה כן אליכם אמר אני עתה׃

ויאמר אליהם ישוע בני היש לכם אכל מאומה ויענו אתו אין׃

בני אשר אני מחולל שנית עד כי יוצר בכם המשיח׃

בני הנני כתב אליכם את זאת לבלתי תחטאו ואם יחטא איש יש לנו מליץ לפני אבינו ישוע המשיח הצדיק׃

אתם הבנים הנכם מאלהים ונצחתם אתם כי אשר בכם גדול הוא מאשר בעולם׃

בני השמרו לכם מן האלילים אמן׃

אם שמתי זהב כסלי ולכתם אמרתי מבטחי׃

אם אשמח כי רב חילי וכי כביר מצאה ידי׃

ממתים ידך יהוה ממתים מחלד חלקם בחיים וצפינך תמלא בטנם ישבעו בנים והניחו יתרם לעולליהם׃

הבטחים על חילם וברב עשרם יתהללו׃

אח לא פדה יפדה איש לא יתן לאלהים כפרו׃

הנה הגבר לא ישים אלהים מעוזו ויבטח ברב עשרו יעז בהותו׃

אל תבטחו בעשק ובגזל אל תהבלו חיל כי ינוב אל תשיתו לב׃

בוטח בעשרו הוא יפל וכעלה צדיקים יפרחו׃

הון עשיר קרית עזו וכחומה נשגבה במשכיתו׃

התעוף עיניך בו ואיננו כי עשה יעשה לו כנפים כנשר ועיף השמים׃

כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשיר בעשרו׃

בחכמתך ובתבונתך עשית לך חיל ותעש זהב וכסף באוצרותיך׃

ברב חכמתך ברכלתך הרבית חילך ויגבה לבבך בחילך׃

הוי בצע בצע רע לביתו לשום במרום קנו להנצל מכף רע׃

גם כספם גם זהבם לא יוכל להצילם ביום עברת יהוה ובאש קנאתו תאכל כל הארץ כי כלה אך נבהלה יעשה את כל ישבי הארץ׃

וישא משלו ויאמר אליהם לאמר שדה איש עשיר אחד עשה תבואה הרבה׃

ויאמר את זאת אעשה הרס את אסמי ובנה גדולים מהם ואכנסה שמה את כל יבולי וטובי׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

וישמעו כל זאת גם הפרושים אשר הם אהבי כסף וילעגו לו׃

את עשירי העולם הזה תצוה שלא ירום לבבם גם לא יבטחו בעשר הבוגד כי אם באלהים חיים המספיק לנו די והותר לשבע׃

הוי העשירים בכו והילילו על הצרות אשר תבאנה עליכם׃

זהבכם וכספכם כסתם חלאה והיתה חלאתם בכם לעדות ואכלה כמו אש את בשרכם אצרתם לכם אוצרות בקץ הימים׃

כי אמרת אך עשרתי מצאתי און לי ולא חסרתי כל ולא ידעת כי אמלל אתה ודוי ועני ועור וערם׃