ויען ויאמר הן כתוב לא על הלחם לבדו יחיה האדם כי על כל מוצא פי יי׃

ויאמר אליו ישוע סור ממני השטן כי כתוב ליהוה אלהיך תשתחוה ואותו לבדו תעבד׃

ויאמרו אליו השמע אתה את אשר אלה אמרים ויאמר ישוע אליהם כן הכי קרא לא קראתם מפי עוללים ויונקים יסדת עז׃

ויאמר ישוע אליהם הכי קרא לא קראתם בכתובים אבן מאסו הבונים היתה לראש פנה מאת יהוה היתה זאת היא נפלאת בעינינו׃

ועל דבר תחית המתים הלא קראתם את הנאמר לכם מפי האלהים לאמר׃

אנכי אלהי אברהם ואלהי יצחק ואלהי יעקב והוא איננו אלהי המתים כי אם אלהי החיים׃

לתורה ולתעודה אם לא יאמרו כדבר הזה אשר אין לו שחר׃

וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוה׃

ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם אין׃

כי כל האנשים הראים את כבדי ואת אתתי אשר עשיתי במצרים ובמדבר וינסו אתי זה עשר פעמים ולא שמעו בקולי׃

לא תנסו את יהוה אלהיכם כאשר נסיתם במסה׃

וינסו אל בלבבם לשאל אכל לנפשם׃

וישובו וינסו אל וקדוש ישראל התוו׃

וינסו וימרו את אלהים עליון ועדותיו לא שמרו׃

אשר נסוני אבותיכם בחנוני גם ראו פעלי׃

ויתאוו תאוה במדבר וינסו אל בישימון׃

ועתה אנחנו מאשרים זדים גם נבנו עשי רשעה גם בחנו אלהים וימלטו׃

ויאמר פטרוס אליה למה זה נועדתם לנסות את רוח יהוה הנה בפתח רגלי המקברים את אישך ונשאו אתך החוצה׃

ולא ננסה את המשיח כאשר נסוהו מקצתם ויאבדום הנחשים׃

אשר נסוני אבותיכם בחנוני גם ראו פעלי ארבעים שנה׃