ותצא השמועה הזאת בכל הארץ ההיא׃

והמה בצאתם השמיעו את שמעו בכל הארץ ההיא׃

בעת ההיא שמע הורדוס שר רבע המדינה את שמע ישוע׃

ויהי יהוה את יהושע ויהי שמעו בכל הארץ׃

ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב׃

ומלכת שבא שמעת את שמע שלמה לשם יהוה ותבא לנסתו בחידות׃

ויצא שם דויד בכל הארצות ויהוה נתן את פחדו על כל הגוים׃

ויצא שמעו מהר בכל מקמות ארץ הגליל׃

וישב ישוע בגבורת הרוח אל הגליל ויצא שמעו בכל הככר׃

ושמעו הולך הלוך וגדל ויקבצו עם רב לשמוע ולהרפא בידו מתחלואיהם׃

וישם דוד נצבים בארם דמשק ותהי ארם לדוד לעבדים נושאי מנחה וישע יהוה את דוד בכל אשר הלך׃

וזה המפקד היה הראשון בהיות קוריניוס שליט בסוריא׃

ויכתבו וישלחו על ידם לאמר אנחנו השליחים והזקנים והאחים שאלים לשלום האחים אשר מן הגוים באנטיוכיא ובסוריא ובקיליקיא׃

ויעבר בסוריא ובקיליקיא ויחזק את הקהלות׃

ויסב ישוע בכל הגליל וילמד בבתי כנסיותיהם ויבשר בשורת המלכות וירפא כל מחלה וכל מדוה בעם׃

ויבא ישוע ביתה פטרוס וירא את חמותו נפלת למשכב כי אחזתה הקדחת׃

ויגע בידה ותרף ממנה הקדחת ותקם ותשרתם׃

ויסב ישוע בכל הערים והכפרים וילמד בבתי כנסיותיהם ויבשר בשורת המלכות וירפא כל מחלה וכל מדוה בעם׃

ויאמר אם שמוע תשמע לקול יהוה אלהיך והישר בעיניו תעשה והאזנת למצותיו ושמרת כל חקיו כל המחלה אשר שמתי במצרים לא אשים עליך כי אני יהוה רפאך׃

המה יצאו והנה הביאו אליו איש אלם אחוז שד׃

אז הובא אליו איש עור ואלם אשר אחזו שד וירפאהו וידבר האלם וגם ראה׃

והנה אשה כנענית יצאה מן הגבולות ההם ותצעק אליו לאמר חנני אדני בן דוד כי בתי מענה מאד על ידי שד׃

ויגער בו ישוע ויצא השד ממנו וירפא הנער מן השעה ההיא׃

והוא יצא מן האניה והנה איש בא לקראתו מבין הקברים אשר רוח טמאה בו׃

כי פעמים הרבה אסרוהו בכבלים ובעבתים וינתק את העבתים וישבר את הכבלים ואין איש יכל לכבשו׃

ויהי כראותו את ישוע מרחוק וירץ וישתחו לו׃

כי הוא אמר אליו צא רוח טמא מן האדם הזה׃

ויתחנן אליו מאד לבלתי שלחם אל מחוץ לארץ׃

ויתחננו לו כל השדים לאמר שלחנו אל החזירים ונבאה אל תוכם׃

וינוסו רעי החזירים ויגידו זאת בעיר ובשדות ויצאו לראות מה נהיתה׃

ויספרו להם הראים את אשר נעשה לאחוז השדים ואת דבר החזירים׃

ויהי ברדתו אל האניה התחנן אליו האיש אשר היה אחוז שדים לתתו לשבת עמו׃

ואיש היה בבית הכנסת ובו רוח שד טמא ויצעק בקול גדול לאמר׃

ויגער בו ישוע לאמר האלם וצא ממנו ויפילהו השד בתוכם ויצא ממנו לא הרע לו׃

ויצא אל היבשה ויפגשהו איש מן העיר אשר שדים בו מימים רבים ובגד לא לבש ובבית לא ישב כי אם בקברים׃

כי צוה את הרוח הטמא לצאת מן האיש כי ימים רבים חטף אתו ונאסר בזיקים ונשמר בכבלים והיה בנתקו את המוסרות ונדחף ביד השד אל המדברות׃

ויתחנן לו לבלתי צות אתם לרדת אל התהום׃

ויצאו השדים מן האדם ההוא ויבאו בחזירים וישתער העדר מן המורד אל הים ויטבע׃

ויצאו לראת את אשר נעשה ויבאו אל ישוע וימצאו שם את האדם אשר יצאו ממנו השדים ישב לרגלי ישוע מלבש וטוב שכל וייראו׃

ויבקשו ממנו כל המון חבל הגדריים ללכת מאתם כי אימה גדולה נפלה עליהם וירד אל האניה וישב׃

את אשר משח האלהים את ישוע הנצרי ברוח הקדש ובגבורה ויעבר בארץ עשה חסד ורפא את כל הנכבשים תחת יד השטן כי האלהים היה עמו׃

ויאמר אדני רחם נא על בני כי מכה ירח הוא וחליו רע כי פעמים רבות הוא נפל באש ופעמים רבות אל תוך המים׃

אדני הנה נערי נפל למשכב בביתי והוא נכה אברים ומענה עד מאד׃

ויאמר ישוע אל שר המאה לך וכאמונתך כן יהיה לך וירפא נערו בשעה ההיא׃

והנה הם מביאים אליו איש נכה אברים והוא משכב על המטה ויהי כראות ישוע את אמונתם ויאמר אל נכה האברים חזק בני נסלחו לך חטאתיך׃

וירא ישוע את מחשבתם ויאמר למה תחשבו רעה בלבבכם׃

אך למען תדעון כי בן האדם יש לו השלטן בארץ לסלח חטאים ויאמר אל נכה האברים קום שא את מטתך ולך לך אל ביתך׃

והמון העם כראותם זאת השתוממו וישבחו את האלהים אשר נתן שלטן כזה לבני אדם׃