ותהי השעה השלישית ויצלבהו׃

ובהיות השעה הששית היה חשך על כל הארץ עד השעה התשיעית׃

ובשעה התשיעית ויצעק ישוע בקול גדול אלהי אלהי למה שבקתני אשר פרושו אלי אלי למה עזבתני׃

ויהי כשעה הששית והנה חשך על כל הארץ עד השעה התשיעית׃

ויחשך השמש ותקרע פרכת ההיכל לשנים קרעים׃

אלביש שמים קדרות ושק אשים כסותם׃

והיה ביום ההוא נאם אדני יהוה והבאתי השמש בצהרים והחשכתי לארץ ביום אור׃

והמלאך הרביעי תקע בשופר ותכה שלישית השמש ושלישית הירח ושלישית הכוכבים למען תחשך שלישיתם והיום לא יאיר שלישיתו וכן גם הלילה׃

ויפתח את באר התהום ויעל עשן מן הבאר כעשן כבשן גדול ויחשך השמש והרקיע מקיטר הבאר׃