27
וילכו אחריו המון עם רב והמון נשים והנה ספדות ומקוננות עליו׃
28
ויפן ישוע ויאמר אליהן בנות ירושלים אל תבכינה עלי כי אם על נפשכן בכינה ועל בניכן׃
29
כי הנה ימים באים ואמרו אשרי העקרות ואשרי המעים אשר לא ילדו והשדים אשר לא היניקו׃
30
אז יחלו לאמר אל ההרים נפלו עלינו ואל הגבעות כסונו׃
31
כי אם יעשו כזאת בעץ הלח מה יעשה ביבש׃
32
וגם שנים אחרים אנשי בליעל מוצאים אתו למות׃
33
ויהי כאשר באו אל המקום הנקרא גלגלתא ויצלבו אתו שם ואת אנשי הבליעל זה לימינו וזה לשמאלו׃