וישלח שנים מתלמידיו ויאמר אליהם לכו העירה ויפגע אתכם איש נשא צפחת המים לכו אחריו׃

והוא יראה אתכם עליה גדולה מצעה ומוכנה ושם הכינו לנו׃

ויאמר אליהם הנה אתם באים העירה ופגע אתכם איש נשא צפחת מים לכו אחריו אל הבית אשר יבוא שמה׃

והוא יראה אתכם עליה גדולה מצעה שם תכינו׃

ומיד נגש אל ישוע ויאמר שלום לך רבי וינשק לו׃

וכי יאמר איש אליכם דבר ואמרתם האדון צריך להם וברגע ישלחם׃

אולם אתם אל תקראו רבי כי אחד הוא רבכם המשיח ואתם אחים כלכם׃

גם אל תקראו מנהיגים כי אחד הוא מנהיגכם המשיח׃

עודנו מדבר והנה באים מבית ראש הכנסת לאמר בתך מתה למה תטריח עוד את המורה׃

ויהי אחר דברה זאת ותלך ותקרא למרים אחותה בסתר לאמר הנה המורה פה וקרא לך׃

ויאמר אליה ישוע מרים ותפן ותאמר אליו רבוני הוא מורה׃

אתם ידעתם כי אחרי יומים יהיה הפסח ובן האדם ימסר להצלב׃

ואהי אצלכם יום יום בהיכל ולא שלחתם בי יד ואולם זאת היא שעתכם ושלטן החשך׃

ויאמר אליהם ישוע עתי לא באה עד עתה ועתכם תמיד נכונה׃

ויבקשו לתפשו ואיש לא שלח בו יד כי לא בא עתו׃

ויען אותם ישוע ויאמר באה השעה שיפאר בן האדם׃

ולפני חג הפסח כשידע ישוע כי באה שעתו לעבר מן העולם הזה אל אביו כאשר אהב את בחיריו אשר בעולם כן אהבם עד הקץ׃

את אלה דבר ישוע וישא עיניו השמימה ויאמר אבי הנה באה השעה פאר את בנך למען גם בנך יפארך׃