כי רעב הייתי ותאכילני צמא הייתי ותשקוני גר הייתי ותאספוני׃

האהב את אביו ואת אמו יותר ממני איננו כדי לי והאהב את בנו ובתו יותר ממני איננו כדי לי׃

ואשר לא יקח את צלבו והלך אחרי איננו כדי לי׃

כל אשר איננו אתי הוא לנגדי ואשר איננו מכנס אתי הוא מפזר׃

השתים במזרקי יין וראשית שמנים ימשחו ולא נחלו על שבר יוסף׃

מי אשר לא יכבד את הבן גם את האב אשר שלחו איננו מכבד׃

ויאמר אליהם ישוע אלו אלהים הוא אביכם כי עתה אהבתם אתי כי אנכי יצאתי ובאתי מאת האלהים הן לא ממני באתי אך הוא שלחני׃

אתם מן אביכם השטן ולעשות את תאות אביכם חפצתם הוא רוצח נפש היה מראש ובאמת לא עמד כי אמת אין בו מדי דברי כזב משלו ידבר כי כזב הוא ואבי הכזב׃

מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃

מי שלא יאהב את האדון ישוע המשיח יחרם מרן אתא׃

באש להבה להשיב נקם לאשר לא ידעו את האלהים ולא שמעו לבשורת אדנינו ישוע המשיח׃

אח או אחות אם יהיו בעירם ובחסר לחם יומם׃

ככה גם האמונה אם אין בה מעשים מתה היא בעצמה׃

אתה מאמין כי האלהים אחד הוא הטיבות גם השדים מאמינים בו ורעדים׃

אברהם אבינו הלא במעשיו נצדק בהעלתו את יצחק בנו על המזבח׃

וימלא הכתוב האמר והאמן אברהם ביהוה ותחשב לו לצדקה ויקרא אהב יהוה׃

אנחנו ידענו כי עברנו מן המות אל החיים על כי נאהב את אחינו איש אשר לא יאהב את אחיו ישאר במות׃

בזאת הכרנו את האהבה כי הוא נתן את נפשו בעדנו גם אנחנו חיבים לתת את נפשתינו בעד אחינו׃

כי יאמר איש אהב אני את האלהים והוא שנא את אחיו כזב הוא כי אשר לא יאהב את אחיו אשר הוא ראה איככה יוכל לאהב את האלהים אשר איננו ראה אתו׃