10
ויקרא אל העם ויאמר להם שמעו והבינו׃
11
לא הבא אל הפה יטמא את האדם כי אם היוצא מן הפה הוא מטמא את האדם׃
12
ויגשו אליו תלמידיו ויאמרו הידעת כי הפרושים בשמעם את הדבר הזה נכשלו בו׃
13
ויען ויאמר כל מטע אשר לא נטע אבי שבשמים עקור יעקר׃
14
הניחו אותם מנהלים עורים המה לעורים וכי יוליך עור את העור ונפלו שניהם בתוך הבור׃
15
ויען פטרוס ויאמר אליו באר לנו את המשל הזה׃
16
ויאמר ישוע עדנה גם אתם באין בינה׃
17
העוד לא תשכילו כי כל הבא אל הפה יורד אל הכרש וישפך משם למוצאות׃
18
אבל היוצא מן הפה יוצא מן הלב והוא מטמא את האדם׃
19
כי מן הלב יוצאות מחשבות רע רציחות נאופים זנונים גנבות עדיות שקר וגדופים׃
20
אלה הם המטמאים את האדם אבל אכול בלי נטילת ידים לא יטמא את האדם׃
