Marc 12:18-27
18
ויבאו אליו מן הצדוקים האמרים כי אין תחיה למתים וישאלהו לאמר׃
19
רבי כתב לנו משה כי ימות אחי איש ועזב אשה ובנים אין לו ייבם אחיו את אשתו ויקם זרע לאחיו׃
20
והנה שבעה אחים והראשון לקח אשה ובמותו לא השאיר אחריו זרע׃
21
ויקח אתה השני וימת ולא הניח זרע וכן גם השלישי׃
22
ויקחוה כל השבעה ולא השאירו אחריהם זרע ואחרי מות כלם מתה גם האשה׃
23
ועתה בתחית המתים כשיקומו למי מהם תהיה לאשה כי לשבעה היתה לאשה׃
24
ויאמר ישוע אליהם הלא בזאת אתם תעים באשר אינכם יודעים גם את הכתובים גם את גבורת האלהים׃
25
כי בעת קומם מן המתים האנשים לא ישאו נשים ולא תנשאנה אך יהיו כמלאכי השמים׃
26
ועל דבר המתים כי קום יקומו הלא קראתם בספר משה בסנה את אשר דבר אליו האלהים לאמר אנכי אלהי אברהם ואלהי יצחק ואלהי יעקב׃
27
האלהים איננו אלהי המתים כי אם אלהי החיים לכן הרביתם לתעות׃
Luc 20:27-40
27
ויקרבו אנשים מן הצדוקים הכפרים בתחית המתים וישאלהו לאמר׃
28
מורה משה כתב לנו כי ימות אח בעל אשה ובנים אין לו ולקח אחיו את אשתו והקים זרע לאחיו׃
29
והנה היו שבעה אחים והראשון לקח אשה וימת לא בנים׃
30
ויקח אתה השני וימת גם הוא לא בנים׃
31
ויקח אתה השלישי וככה עשו אף השבעה ולא הניחו בנים וימותו׃
32
ובאחרונה מתה גם האשה׃
33
והנה בתחית המתים למי מהם תהיה לאשה כי היתה אשה לשבעה׃
34
ויען ישוע ויאמר אליהם בני העולם הזה ישאו נשים ותנשאנה׃
35
והזכים לנחל את העולם הבא ואת תחית המתים לא ישאו נשים ולא תנשאנה׃
36
כי לא יוכלו עוד למות כי שוים הם למלאכים ובני אלהים המה בהיותם בני התקומה׃
37
וגם משה רמז בסנה כי יקומו המתים בקראו את יהוה אלהי אברהם אלהי יצחק ואלהי יעקב׃
38
והאלהים איננו אלהי המתים כי אם אלהי החיים כי כלם חיים לו׃
39
ויענו מן הסופרים רבי יפה דברת׃
40
ולא ערבו עוד את לבם לשאל אותו דבר׃
Matthieu 3:7
ויהי כראותו רבים מן הפרושים והצדוקים נגשים לטבילתו ויאמר להם ילדי הצפעונים מי השכיל אתכם להמלט מן הקצף הבא׃
Matthieu 16:6
ויאמר ישוע אליהם ראו והשמרו לכם משאר הפרושים והצדוקים׃
Actes 4:1
ויהי בדברם אל העם ויקומו עליהם הכהנים ונגיד בית המקדש והצדוקים׃
Actes 5:17
ויקם הכהן הגדול וכל אשר אתו והם אנשי כת הצדוקים וימלאו קנאה׃
Actes 23:6-8
6
ופולוס ידע כי מקצתם צדוקים ומקצתם פרושים ויצעק בתוך הסנהדרין אנשים אחים פרוש בן פרוש אנכי ועל תקות המתים ותחיתם אני נדין׃
7
ובדברו הדבר הזה היה ריב בין הצדוקים ובין הפרושים ויחלק ההמון׃
8
כי הצדוקים אמרים אין תחיה ואין מלאך ורוח והפרושים מודים בשניהם׃
1 Corinthiens 15:12-14
12
ואם הגד הגד כי הוקם המשיח מן המתים איך יאמרו אנשים מכם כי אין תחיה למתים׃
13
אם אין תחיה למתים גם המשיח לא הוקם׃
14
ואם המשיח לא הוקם כי עתה ריק שמועתנו וגם ריק אמונתכם׃
2 Timothée 2:18
אשר תעו מן האמת באמרם כי תחית המתים כבר היתה ויבלבלו אמונת קצת אנשים׃