ומקצת פרושים אשר בתוך העם אמרו אליו רבי גער בתלמידיך׃

ויען ויאמר אני אמר לכם כי אם יחשו אלה תזעקנה האבנים׃

אז יקהילו הכהנים הגדולים והפרושים את הסנהדרין ויאמרו מה נעשה כי האיש הלזה עשה אתות הרבה׃

אם נניח לו לעשות כלם יאמינו בו ובאו הרומיים ולקחו גם את אדמתנו וגם את עמנו׃

ויאמרו מה נעשה לאנשים האלה הנה אות גלוי נעשה על ידיהם וגם מפרסם לכל ישבי ירושלים ולא נוכל לכחש בו׃

ויקראו אתם ויצוום אשר לא ידברו דבר ולא ילמדו בשם ישוע׃

ויאמר אליהם הלא קראתם את אשר עשה דוד בהיתו רעב הוא והאנשים אשר אתו׃

ויען ויאמר אליהם הלא קראתם כי עשה בראשית זכר ונקבה עשה אתם׃

ועל דבר תחית המתים הלא קראתם את הנאמר לכם מפי האלהים לאמר׃

ויאמר אליהם הכי לא קראתם את אשר עשה דוד בהיתו חסר ורעב הוא ואשר היו אתו׃

בעת ההיא ענה ישוע ואמר אודך אבי אדון השמים והארץ כי הסתרת את אלה מן החכמים והנבונים וגליתם לעוללים׃

מפי עוללים וינקים יסדת עז למען צורריך להשבית אויב ומתנקם׃