ויעבר ישוע משם וילכו אחריו שני אנשים עורים והמה צעקעם ואמרים חננו בן דוד׃

ויגע בעיניהם ויאמר יעשה לכם כאמונתכם׃

והמה בצאתם השמיעו את שמעו בכל הארץ ההיא׃

אז הובא אליו איש עור ואלם אשר אחזו שד וירפאהו וידבר האלם וגם ראה׃

ויגשו אליו עורים ופסחים במקדש וירפאם׃

יהוה פקח עורים יהוה זקף כפופים יהוה אהב צדיקים׃

ושמעו ביום ההוא החרשים דברי ספר ומאפל ומחשך עיני עורים תראינה׃

אז תפקחנה עיני עורים ואזני חרשים תפתחנה׃

אז ידלג כאיל פסח ותרן לשון אלם כי נבקעו במדבר מים ונחלים בערבה׃

והולכתי עורים בדרך לא ידעו בנתיבות לא ידעו אדריכם אשים מחשך לפניהם לאור ומעקשים למישור אלה הדברים עשיתם ולא עזבתים׃

החרשים שמעו והעורים הביטו לראות׃

נגששה כעורים קיר וכאין עינים נגששה כשלנו בצהרים כנשף באשמנים כמתים׃

רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃

לקרא שנת רצון ליהוה ויום נקם לאלהינו לנחם כל אבלים׃

ויבאו יריחו ויהי כצאתו מיריחו הוא ותלמידיו והמון עם רב והנה ברטימי בן טימי איש עור ישב על יד הדרך לשאל נדבות׃

רוח אדני עלי יען משח אתי לבשר ענוים׃

בעת ההיא רפא רבים מחליים ומנגעים ומרוחות רעות ולעורים רבים נתן ראות עינים׃

ויהי בעברו וירא איש והוא עור מיום הולדו׃

ויען ישוע לא זה חטא ולא יולדיו אך למען יגלו בו מעללי אל׃

בהיותי בעולם אור העולם אני׃

ויאמר אליו לך ורחץ בברכת השלח פרושו שלוח וילך וירחץ ויבא ועיניו ראות׃

אלה אמרו כי הוא זה ואלה אמרו אך דומה לו והוא אמר אני הוא׃

ויען ויאמר איש אשר נקרא שמו ישוע עשה טיט וימרח על עיני ויאמר אלי לך ורחץ בברכת השלח ואלך וארחץ ותארנה עיני׃

וישתוממו כל המון העם ויאמרו הכי זה הוא בן דוד׃

והנה אשה כנענית יצאה מן הגבולות ההם ותצעק אליו לאמר חנני אדני בן דוד כי בתי מענה מאד על ידי שד׃

והמון העם ההלכים לפניו ואחריו קראו לאמר הושע נא לבן דוד ברוך הבא בשם יהוה הושע נא במרומים׃

מה דעתכם על המשיח בן מי הוא ויאמרו אליו בן דוד׃

והוא בהיותו נביא ומדעתו את השבועה אשר נשבע לו האלהים להקים את המשיח כפי הבשר מפרי חלציו להושיבו על כסאו׃

על דבר בנו הנולד מזרע דוד לפי הבשר׃

אשר הוכן לבן האלהים בגבורה לפי רוח הקדשה בתחיתו מבין המתים הוא ישוע המשיח אדנינו׃