ויהי כהוציאם אתם החוצה ויאמר המלט על נפשך אל תביט אחריך ואל תעמד בכל הככר ההרה המלט פן תספה׃

הנה נא מצא עבדך חן בעיניך ותגדל חסדך אשר עשית עמדי להחיות את נפשי ואנכי לא אוכל להמלט ההרה פן תדבקני הרעה ומתי׃

ויאמר אליו הנה נשאתי פניך גם לדבר הזה לבלתי הפכי את העיר אשר דברת׃

ויאמר שמואל איך אלך ושמע שאול והרגני ויאמר יהוה עגלת בקר תקח בידך ואמרת לזבח ליהוה באתי׃

ויען חנניה ויאמר אדני שמעתי רבים מספרים על האיש הזה כמה רעות עשה לקדושיך בירושלים׃

וגם פה רשיון יש לו מאת ראשי הכהנים לאסר את כל הקראים בשמך׃

ויצוו בחלום לבלתי שוב אל הורדוס וילכו בדרך אחר אל ארצם׃

הוא חשב כזאת והנה מלאך יהוה נראה אליו בחלום ויאמר יוסף בן דוד אל תירא מכנוס אליך את מרים אשתך כי אשר הרה בה מרוח הקדש הוא׃

כי זה אלהים אלהינו עולם ועד הוא ינהגנו על מות׃

בעצתך תנחני ואחר כבוד תקחני׃

ויצעקו אל יהוה בצר להם ממצוקותיהם יצילם׃

וידריכם בדרך ישרה ללכת אל עיר מושב׃

יהוה ישמר צאתך ובואך מעתה ועד עולם׃

ואזניך תשמענה דבר מאחריך לאמר זה הדרך לכו בו כי תאמינו וכי תשמאילו׃

כה אמר יהוה גאלך קדוש ישראל אני יהוה אלהיך מלמדך להועיל מדריכך בדרך תלך׃

לוא הקשבת למצותי ויהי כנהר שלומך וצדקתך כגלי הים׃

ויבא ישוע מן הגליל הירדנה אל יוחנן להטבל על ידו׃

ויכלו את הכל כפי תורת יהוה וישובו הגלילה אל נצרת עירם׃

ויש אשר אמרו זה הוא המשיח ואחרים אמרו המן הגליל יבא המשיח׃

הלא הכתוב אמר כי מזרע דוד ומכפר בית לחם מקום דוד יצא המשיח׃

ויענו ויאמרו אליו הגם אתה מן הגליל דרש נא וראה כי לא קם נביא מן הגליל׃