וירא יהוה כי רבה רעת האדם בארץ וכל יצר מחשבת לבו רק רע כל היום׃

וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשר עשיתי׃

מכל משמר נצר לבך כי ממנו תוצאות חיים׃

תהפכות בלבו חרש רע בכל עת מדנים ישלח׃

אולת קשורה בלב נער שבט מוסר ירחיקנה ממנו׃

זמת אולת חטאת ותועבת לאדם לץ׃

עקב הלב מכל ואנש הוא מי ידענו׃

]22-12[ כי מתוך לב האדם יצאות המחשבות הרעות נאף וזנה ורצוח וגנוב ואהבת בצע ורשעה ורמיה וזוללות וצרות עין וגדוף וזדון וסכלות׃

כל הרעות האלה מקרב האדם הן יוצאות ומטמאות אתו׃

ככתוב אין צדיק אין גם אחד׃

הכל סר יחדו נאלחו אין עשה טוב אין גם אחד׃

אשר אלה פיהם מלא ומררות׃

שד ושבר במסלותם׃

אין פחד אלהים לנגד עיניהם׃

כי ידעתי אשר בי בבשרי לא ישב טוב הן הרצון יש עמדי אבל עשות הטוב לא מצאתי׃

יען מחשבת הבשר רק שנאת אלהים היא באשר לא תשתעבד לתורת האלהים ואף איננה יכולה׃

ואשר המה בבשר לא יוכלו להיות רצוים לאלהים׃

וגלוים הם פעלי הבשר אשר הם נאוף זנות טמאה וזמה׃

צרות עין ושפיכות דמים ושרון וזוללות ודומיהן אשר אמר עליהן כמו שאמרתי כבר כי עשי אלה לא ינחלו מלכות האלהים׃

גם אתכם המתים לפנים בפשעיכם וחטאתיכם׃

וגם אנחנו כלנו בתוכם הלכנו לפנים בתאות הבשר לעשות חפצי בשרנו ומחשבותינו ונהי אך בני רגז בטבענו כאשר בני אדם׃

ולבלתי גדף אדם ולחדל מריב ולהכריע לכף זכות ולהתנהג בכל ענוה לפני כל אדם׃

אמנם כאשר נגלה נעם אלהים מושיענו ורחמנותו אל האדם׃

אשר שפך עלינו למכביר על ידי ישוע המשיח מושיענו׃

וירא ישוע את מחשבתם ויאמר למה תחשבו רעה בלבבכם׃

סעפים שנאתי ותורתך אהבתי׃

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

רגליהם לרע ירצו וימהרו לשפך דם נקי מחשבותיהם מחשבות און שד ושבר במסלותם׃

כבסי מרעה לבך ירושלם למען תושעי עד מתי תלין בקרבך מחשבות אונך׃

ועתה שוב מרעתך זאת והתחנן אל האלהים אולי תסלח לך מזמת לבבך׃

אל יאמר המנסה האלהים נסני כי האלהים איננו מנסה ברע והוא לא ינסה איש׃

ואחרי כן הרתה התאות ותלד חטא והחטא כי נשלם יוליד את המות׃