ויהי כראותו רבים מן הפרושים והצדוקים נגשים לטבילתו ויאמר להם ילדי הצפעונים מי השכיל אתכם להמלט מן הקצף הבא׃

נחשים אתם ילדי הצפעונים איכה תמלטו מדין גיהנם׃

ויאמר אל המון העם היצאים להטבל על ידו אתם ילדי הצפעונים מי הורה אתכם להמלט מפני הקצף הבא׃

אתם מן אביכם השטן ולעשות את תאות אביכם חפצתם הוא רוצח נפש היה מראש ובאמת לא עמד כי אמת אין בו מדי דברי כזב משלו ידבר כי כזב הוא ואבי הכזב׃

ונודעו בזאת בני האלהים ובני השטן כל איש אשר לא יעשה צדקה איננו מאלהים וכן כל אשר לא יאהב את אחיו׃

כאשר יאמר משל הקדמני מרשעים יצא רשע וידי לא תהיה בך׃

אמר בלבו בל אמוט לדר ודר אשר לא ברע׃

אלה פיהו מלא ומרמות ותך תחת לשונו עמל ואון׃

הוות תחשב לשונך כתער מלטש עשה רמיה׃

אהבת כל דברי בלע לשון מרמה׃

למנצח על מחלת משכיל לדוד אמר נבל בלבו אין אלהים השחיתו והתעיבו עול אין עשה טוב׃

אשר שננו כחרב לשונם דרכו חצם דבר מר׃

יחזקו למו דבר רע יספרו לטמון מוקשים אמרו מי יראה למו׃

יהוה הצילה נפשי משפת שקר מלשון רמיה׃

חצי גבור שנונים עם גחלי רתמים׃

אשר חשבו רעות בלב כל יום יגורו מלחמות׃

שננו לשונם כמו נחש חמת עכשוב תחת שפתימו סלה׃

כי נבל נבלה ידבר ולבו יעשה און לעשות חנף ולדבר אל יהוה תועה להריק נפש רעב ומשקה צמא יחסיר׃

אין קרא בצדק ואין נשפט באמונה בטוח על תהו ודבר שוא הרו עמל והוליד און׃

והסג אחור משפט וצדקה מרחוק תעמד כי כשלה ברחוב אמת ונכחה לא תוכל לבוא׃

עמד בשער בית יהוה וקראת שם את הדבר הזה ואמרת שמעו דבר יהוה כל יהודה הבאים בשערים האלה להשתחות ליהוה׃

אל תבטחו לכם אל דברי השקר לאמר היכל יהוה היכל יהוה היכל יהוה המה׃

ככתוב אין צדיק אין גם אחד׃

הכל סר יחדו נאלחו אין עשה טוב אין גם אחד׃

אשר אלה פיהם מלא ומררות׃

ראה מה גדול היער ואש קטנה תבעירנו גם הלשון אש היא עולם מלא עולה׃

כי מין כל בהמה ועוף ורמש וחיות הים יכבש ונכבשים הם על ידי מין האדם׃

האיש הטוב מאוצר לבבו הטוב מפיק את הטוב והאיש הרע מאוצר לבבו הרע מפיק את הרע כי משפעת הלב ימלל פיהו׃