ולפי העלת הענן מעל האהל ואחרי כן יסעו בני ישראל ובמקום אשר ישכן שם הענן שם יחנו בני ישראל׃

ויעשו בני ישראל ככל אשר צוה יהוה את משה כן עשו׃

ויעש משה ואהרן וכל עדת בני ישראל ללוים ככל אשר צוה יהוה את משה ללוים כן עשו להם בני ישראל׃

לא הביט און ביעקב ולא ראה עמל בישראל יהוה אלהיו עמו ותרועת מלך בו׃

אל מוציאם ממצרים כתועפת ראם לו׃

ככל אשר צוה יהוה את משה כן עשו בני ישראל את כל העבדה׃

ויעש משה ככל אשר צוה יהוה אתו כן עשה׃

ובהעלות הענן מעל המשכן יסעו בני ישראל בכל מסעיהם׃

ואם לא יעלה הענן ולא יסעו עד יום העלתו׃

יהוה אלהינו דבר אלינו בחרב לאמר רב לכם שבת בהר הזה׃

פנו וסעו לכם ובאו הר האמרי ואל כל שכניו בערבה בהר ובשפלה ובנגב ובחוף הים ארץ הכנעני והלבנון עד הנהר הגדל נהר פרת׃

רב לכם סב את ההר הזה פנו לכם צפנה׃

ואת העם צו לאמר אתם עברים בגבול אחיכם בני עשו הישבים בשעיר וייראו מכם ונשמרתם מאד׃

אשכילך ואורך בדרך זו תלך איעצה עליך עיני׃

כי זה אלהים אלהינו עולם ועד הוא ינהגנו על מות׃

בעצתך תנחני ואחר כבוד תקחני׃

נחית כצאן עמך ביד משה ואהרן׃

וידריכם בדרך ישרה ללכת אל עיר מושב׃

למדני לעשות רצונך כי אתה אלוהי רוחך טובה תנחני בארץ מישור׃

בטח אל יהוה בכל לבך ואל בינתך אל תשען׃

בכל דרכיך דעהו והוא יישר ארחתיך׃

ובאכלו לחם עמהם צוה אתם לבלתי סור מירושלים כי אם להוחיל להבטחת האב אשר שמעתם ממני׃