Nombres 31:2
נקם נקמת בני ישראל מאת המדינים אחר תאסף אל עמיך׃
Génèse 25:8
ויגוע וימת אברהם בשיבה טובה זקן ושבע ויאסף אל עמיו׃
Génèse 25:17
ואלה שני חיי ישמעאל מאת שנה ושלשים שנה ושבע שנים ויגוע וימת ויאסף אל עמיו׃
Nombres 20:24-28
24
יאסף אהרן אל עמיו כי לא יבא אל הארץ אשר נתתי לבני ישראל על אשר מריתם את פי למי מריבה׃
25
קח את אהרן ואת אלעזר בנו והעל אתם הר ההר׃
26
והפשט את אהרן את בגדיו והלבשתם את אלעזר בנו ואהרן יאסף ומת שם׃
27
ויעש משה כאשר צוה יהוה ויעלו אל הר ההר לעיני כל העדה׃
28
ויפשט משה את אהרן את בגדיו וילבש אתם את אלעזר בנו וימת אהרן שם בראש ההר וירד משה ואלעזר מן ההר׃
Nombres 33:38
ויעל אהרן הכהן אל הר ההר על פי יהוה וימת שם בשנת הארבעים לצאת בני ישראל מארץ מצרים בחדש החמישי באחד לחדש׃
Deutéronome 10:6
ובני ישראל נסעו מבארת בני יעקן מוסרה שם מת אהרן ויקבר שם ויכהן אלעזר בנו תחתיו׃
Deutéronome 32:50
ומת בהר אשר אתה עלה שמה והאסף אל עמיך כאשר מת אהרן אחיך בהר ההר ויאסף אל עמיו׃