ויבא עמלק וילחם עם ישראל ברפידם׃

ויאמר כי יד על כס יה מלחמה ליהוה בעמלק מדר דר׃

והיה אם זרע ישראל ועלה מדין ועמלק ובני קדם ועלו עליו׃

ויעש חיל ויך את עמלק ויצל את ישראל מיד שסהו׃

עתה לך והכיתה את עמלק והחרמתם את כל אשר לו ולא תחמל עליו והמתה מאיש עד אשה מעלל ועד יונק משור ועד שה מגמל ועד חמור׃

ויבא שאול עד עיר עמלק וירב בנחל׃

ויך שאול את עמלק מחוילה בואך שור אשר על פני מצרים׃

ויעל דוד ואנשיו ויפשטו אל הגשורי והגרזי והעמלקי כי הנה ישבות הארץ אשר מעולם בואך שורה ועד ארץ מצרים׃

והכה דוד את הארץ ולא יחיה איש ואשה ולקח צאן ובקר וחמרים וגמלים ובגדים וישב ויבא אל אכיש׃

ויהי בבא דוד ואנשיו צקלג ביום השלישי ועמלקי פשטו אל נגב ואל צקלג ויכו את צקלג וישרפו אתה באש׃

ויכם דוד מהנשף ועד הערב למחרתם ולא נמלט מהם איש כי אם ארבע מאות איש נער אשר רכבו על הגמלים וינסו׃

ויכו את שארית הפלטה לעמלק וישבו שם עד היום הזה׃

אחר הדברים האלה גדל המלך אחשורוש את המן בן המדתא האגגי וינשאהו וישם את כסאו מעל כל השרים אשר אתו׃

ויאמר חרבונה אחד מן הסריסים לפני המלך גם הנה העץ אשר עשה המן למרדכי אשר דבר טוב על המלך עמד בבית המן גבה חמשים אמה ויאמר המלך תלהו עליו׃

ויתלו את המן על העץ אשר הכין למרדכי וחמת המלך שככה׃

ויאמר המלך להעשות כן ותנתן דת בשושן ואת עשרת בני המן תלו׃

ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים׃

עתה לך והכיתה את עמלק והחרמתם את כל אשר לו ולא תחמל עליו והמתה מאיש עד אשה מעלל ועד יונק משור ועד שה מגמל ועד חמור׃

ויתפש את אגג מלך עמלק חי ואת כל העם החרים לפי חרב׃