ראובן בכרי אתה כחי וראשית אוני יתר שאת ויתר עז׃

פחז כמים אל תותר כי עלית משכבי אביך אז חללת יצועי עלה׃

ובני ראובן בכור ישראל כי הוא הבכור ובחללו יצועי אביו נתנה בכרתו לבני יוסף בן ישראל ולא להתיחש לבכרה׃

ואלה שמות האנשים אשר יעמדו אתכם לראובן אליצור בן שדיאור׃

ביום הרביעי נשיא לבני ראובן אליצור בן שדיאור׃

ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אליצור בן שדיאור׃

ונסע דגל מחנה ראובן לצבאתם ועל צבאו אליצור בן שדיאור׃