ויאמר אלהם הוא אשר דבר יהוה שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר׃

ויהי ביום השביעי יצאו מן העם ללקט ולא מצאו׃

ויאמר יהוה אל משה עד אנה מאנתם לשמר מצותי ותורתי׃

זכור את יום השבת לקדשו׃

ויום השביעי שבת ליהוה אלהיך לא תעשה כל מלאכה אתה ובנך ובתך עבדך ואמתך ובהמתך וגרך אשר בשעריך׃

ששת ימים תעשה מלאכה וביום השביעי יהיה לכם קדש שבת שבתון ליהוה כל העשה בו מלאכה יומת׃

לא תבערו אש בכל משבתיכם ביום השבת׃