ויט משה את מטהו על ארץ מצרים ויהוה נהג רוח קדים בארץ כל היום ההוא וכל הלילה הבקר היה ורוח הקדים נשא את הארבה׃

ויהפך יהוה רוח ים חזק מאד וישא את הארבה ויתקעהו ימה סוף לא נשאר ארבה אחד בכל גבול מצרים׃

נשפת ברוחך כסמו ים צללו כעופרת במים אדירים׃

מעלה נשאים מקצה הארץ ברקים למטר עשה מוצא רוח מאוצרותיו׃

ויהי בערב ותעל השלו ותכס את המחנה ובבקר היתה שכבת הטל סביב למחנה׃

יסע קדים בשמים וינהג בעזו תימן׃

ויפל בקרב מחנהו סביב למשכנתיו׃

שאל ויבא שלו ולחם שמים ישביעם׃