Nombres 2:10
דגל מחנה ראובן תימנה לצבאתם ונשיא לבני ראובן אליצור בן שדיאור׃
Nombres 2:11
וצבאו ופקדיו ששה וארבעים אלף וחמש מאות׃
Nombres 26:5-7
5
ראובן בכור ישראל בני ראובן חנוך משפחת החנכי לפלוא משפחת הפלאי׃
6
לחצרן משפחת החצרוני לכרמי משפחת הכרמי׃
7
אלה משפחת הראובני ויהיו פקדיהם שלשה וארבעים אלף ושבע מאות ושלשים׃
Génèse 29:32
ותהר לאה ותלד בן ותקרא שמו ראובן כי אמרה כי ראה יהוה בעניי כי עתה יאהבני אישי׃
Génèse 46:9
ובני ראובן חנוך ופלוא וחצרון וכרמי׃
Génèse 49:3
ראובן בכרי אתה כחי וראשית אוני יתר שאת ויתר עז׃
Génèse 49:4
פחז כמים אל תותר כי עלית משכבי אביך אז חללת יצועי עלה׃
1 Chroniques 5:1
ובני ראובן בכור ישראל כי הוא הבכור ובחללו יצועי אביו נתנה בכרתו לבני יוסף בן ישראל ולא להתיחש לבכרה׃