לא יהיה לך אלהים אחרים על פני׃

לא תשתחוה להם ולא תעבדם כי אנכי יהוה אלהיך אל קנא פקד עון אבת על בנים על שלשים ועל רבעים לשנאי׃

לא תשא את שם יהוה אלהיך לשוא כי לא ינקה יהוה את אשר ישא את שמו לשוא׃

ששת ימים תעבד ועשית כל מלאכתך׃

כי ששת ימים עשה יהוה את השמים ואת הארץ את הים ואת כל אשר בם וינח ביום השביעי על כן ברך יהוה את יום השבת ויקדשהו׃

לא תרצח׃

לא תגנב׃

לא תחמד בית רעך לא תחמד אשת רעך ועבדו ואמתו ושורו וחמרו וכל אשר לרעך׃

ויאמרו אל משה דבר אתה עמנו ונשמעה ואל ידבר עמנו אלהים פן נמות׃

ויעמד העם מרחק ומשה נגש אל הערפל אשר שם האלהים׃

ראה למדתי אתכם חקים ומשפטים כאשר צוני יהוה אלהי לעשות כן בקרב הארץ אשר אתם באים שמה לרשתה׃

ושמרתם ועשיתם כי הוא חכמתכם ובינתכם לעיני העמים אשר ישמעון את כל החקים האלה ואמרו רק עם חכם ונבון הגוי הגדול הזה׃

מגיד דברו ליעקב חקיו ומשפטיו לישראל׃

לא עשה כן לכל גוי ומשפטים בל ידעום הללו יה׃

לתורה ולתעודה אם לא יאמרו כדבר הזה אשר אין לו שחר׃

יהוה חפץ למען צדקו יגדיל תורה ויאדיר׃

אל תחשבו כי באתי להפר את התורה או את דברי הנביאים לא באתי להפר כי אם למלאת׃

לכן מי אשר יפר אחת מן המצות הקטנות האלה וכן ילמד את בני האדם קטון יקרא במלכות השמים ואשר יעשה וילמד אותן הוא גדול יקרא במלכות השמים׃

והנה איש נגש אליו ויאמר רבי הטוב אי זה הטוב אשר אעשנו לקנות חיי עולמים׃

ויאמר אליו מה הנה ויאמר ישוע אלה הן לא תרצח לא תנאף לא תגנב לא תענה עד שקר׃

ויאמר אליו הבחור את כל אלה שמרתי מנעורי ומה חסרתי עוד׃

ויהי כשמע הבחור את הדבר הזה וילך משם נעצב כי היו לו נכסים רבים׃

רבי אי זו מצוה גדולה היא בתורה׃

זאת היא המצוה הגדולה והראשונה׃

בשתי המצות האלה כל התורה תלויה וגם הנביאים׃

ואחד מן הסופרים שמע אתם מתוכחים ויקרב אליהם וירא כי היטב השיבם וישאלהו מה היא הראשנה לכל המצות׃

ואהבת את יהוה אלהיך בכל לבבך ובכל נפשך ובכל מדעך ובכל מאדך זאת היא המצוה הראשנה׃

ויאמר אליו הסופר אמנם רבי יפה דברת כי אלהים אחד הוא ואין עוד מלבדו׃

וירא ישוע כי ענה בדעת ויאמר אליו לא רחוק אתה ממלכות האלהים ואיש לא ערב עוד את לבו לשאל אותו שאלה׃

והנה אחד מבעלי התורה קם לנסותו ויאמר מורה מה אעשה ואירש חיי עולם׃

ויען ויאמר ואהבת את יהוה אלהיך בכל לבבך ובכל נפשך ובכל מאדך ובכל מדעך ואת רעך כמוך׃

ויאמר אברהם יש להם משה והנביאים אליהם ישמעון׃

ויאמר אליו אם לא ישמעו אל משה ואל הנביאים גם כי יקום אחד מן המתים לא יאמינו׃

דרשו בכתובים אשר תחשבו שיש לכם חיי עולמים בהם והמה המעידים עלי׃

לא אקח כבוד מבני אדם׃

אני הנה באתי בשם אבי ולא קבלתם אתו ואם יבא אחר בשם עצמו אתו תקבלו׃

אל תחשבו כי אנכי אטען עליכם לפני אבי משה הוא הטען עליכם אשר לו תיחלו׃

ואם לכתביו אינכם מאמינים איכה לדברי תאמינו׃

ועתה המבטלים אנחנו את התורה על ידי האמונה חלילה אך מקימים אנחנו את התורה׃

כל נפש תכנע לגדלת הרשיות כי אין רשות כי אם מאת האלהים והרשיות הנמצאות על יד אלהים נתמנו׃

כי השליטים אינם לפחד למעשים הטובים כי אם להרעים ועל כן אם רצונך שלא תירא מן הרשות עשה הטוב והיה לך שבח ממנה׃

על כן עלינו להכנע לא לבד בעבור הקצף כי גם בעבור דעת חובתנו׃

לכן תנו לכל איש כחובתכם המס לאשר לו המס המכס לאשר לו המכס והמורא לאשר לו המורא והכבוד לאשר לו הכבוד׃

כי מצות לא תנאף לא תרצח לא תגנב לא תענה עד שקר לא תחמד ועוד כאלה כלולות הנה במאמר הזה ואהבת לרעך כמוך׃

כי אתם אחי לחרות נקראתם ובלבד שלא תהיה החרות תאנה לבשר אלא שתעבדו איש את רעהו באהבה׃

כי כל התורה כלולה במצוה אחת והיא ואהבת לרעך כמוך׃

ואשר הם למשיח צלבו את בשרם עם כל תשוקתיו ותאותיו׃

אם נחיה ברוח נתהלכה גם ברוח׃

אולם אם תשאו פנים תחטאו במעשיכם והתורה תוכיחכם כעברים אותה׃

כי האמר לא תנאף גם הוא אמר לא תרצח ואם אינך נאף ואתה רוצח היה נהיית לעבר התורה׃

כי אין חסד בדין לאשר לא עשה חסד והחסד יתגאה על הדין׃

יום אשר עמדת לפני יהוה אלהיך בחרב באמר יהוה אלי הקהל לי את העם ואשמעם את דברי אשר ילמדון ליראה אתי כל הימים אשר הם חיים על האדמה ואת בניהם ילמדון׃

ואלה המשפטים אשר תשים לפניהם׃

אם בגפו יבא בגפו יצא אם בעל אשה הוא ויצאה אשתו עמו׃

ואם אמר יאמר העבד אהבתי את אדני את אשתי ואת בני לא אצא חפשי׃

וכי ימכר איש את בתו לאמה לא תצא כצאת העבדים׃

ואם לבנו ייעדנה כמשפט הבנות יעשה לה׃

ואם שלש אלה לא יעשה לה ויצאה חנם אין כסף׃

ואשר לא צדה והאלהים אנה לידו ושמתי לך מקום אשר ינוס שמה׃

ומכה אביו ואמו מות יומת׃

ומקלל אביו ואמו מות יומת׃

אם יקום והתהלך בחוץ על משענתו ונקה המכה רק שבתו יתן ורפא ירפא׃

אך אם יום או יומים יעמד לא יקם כי כספו הוא׃

ואם אסון יהיה ונתתה נפש תחת נפש׃

ויקרא אל משה וידבר יהוה אליו מאהל מועד לאמר׃

אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה׃

ושחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשר פתח אהל מועד׃

ונתנו בני אהרן הכהן אש על המזבח וערכו עצים על האש׃

מגיד דברו ליעקב חקיו ומשפטיו לישראל׃