רני ושמחי בת ציון כי הנני בא ושכנתי בתוכך נאם יהוה׃

הגידו השמים צדקו וראו כל העמים כבודו׃

שמעה ותשמח ציון ותגלנה בנות יהודה למען משפטיך יהוה׃

צהלי ורני יושבת ציון כי גדול בקרבך קדוש ישראל׃

על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃

פצחו רננו יחדו חרבות ירושלם כי נחם יהוה עמו גאל ירושלם׃

חשף יהוה את זרוע קדשו לעיני כל הגוים וראו כל אפסי ארץ את ישועת אלהינו׃

הנה יהוה השמיע אל קצה הארץ אמרו לבת ציון הנה ישעך בא הנה שכרו אתו ופעלתו לפניו׃

רני בת ציון הריעו ישראל שמחי ועלזי בכל לב בת ירושלם׃

הסיר יהוה משפטיך פנה איבך מלך ישראל יהוה בקרבך לא תיראי רע עוד׃

ואני נסכתי מלכי על ציון הר קדשי׃

למנצח על ששנים לבני קרח משכיל שיר ידידת רחש לבי דבר טוב אמר אני מעשי למלך לשוני עט סופר מהיר׃

לדוד מזמור נאם יהוה לאדני שב לימיני עד אשית איביך הדם לרגליך׃

עמך נדבת ביום חילך בהדרי קדש מרחם משחר לך טל ילדתיך׃

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

הן לצדק ימלך מלך ולשרים למשפט ישרו׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃

בימיו תושע יהודה וישראל ישכן לבטח וזה שמו אשר יקראו יהוה צדקנו׃

ועבדו את יהוה אלהיהם ואת דוד מלכם אשר אקים להם׃

וכל זאת היתה למלאת הנאמר ביד הנביא לאמר׃

אמרו לבת ציון הנה מלכך יבוא לך עני ורכב על חמור ועל עיר בן אתנות׃

וההלכים לפניו ואחריו צעקים לאמר הושע נא ברוך הבא בשם יהוה׃

ברוכה מלכות דוד אבינו הבאה בשם יהוה הושע נא במרומים׃

ויקרב אל מורד הר הזיתים ויחלו כל המון התלמידים לשבח את האלהים בשמחה ובקול גדול על כל הגבורות אשר ראו לאמר׃

ברוך המלך הבא בשם יהוה שלום בשמים וכבוד במרומים׃

ויען נתנאל ויאמר אליו רבי אתה בן אלהים אתה הוא מלך ישראל׃

ויקחו בידם כפות תמרים ויצאו לקראתו ויריעו לאמר הושע נא ברוך הבא בשם יהוה מלך ישראל׃

אל תיראי בת ציון הנה מלכך יבוא לך רכב על עיר בן אתנות׃

ויאמר אליהם פילטוס הצלב אצלב את מלככם ויענו ראשי הכהנים אין לנו מלך כי אם הקיסר׃

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

אך קרוב ליראיו ישעו לשכן כבוד בארצנו׃

אמת מארץ תצמח וצדק משמים נשקף׃

הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי׃

והיא ילדת בן וקראת את שמו ישוע כי הוא יושיע את עמו מעונותיהם׃

ונצדקו חנם בחסדו על ידי הפדות אשר היתה במשיח ישוע׃

להראות את צדקתו בעת הזאת להיותו צדיק ומצדיק את בן אמונת ישוע׃

קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם׃

אמרו לבת ציון הנה מלכך יבוא לך עני ורכב על חמור ועל עיר בן אתנות׃

ויביאו את האתון ואת העיר וישימו עליהם את בגדיהם וירכיבהו עליהם׃

ויביאו את העיר אל ישוע וישליכו עליו את בגדיהם וישב עליו׃

לכו אל הכפר אשר ממולנו והיה בבואכם שמה תמצאו עיר אסור אשר לא ישב עליו אדם עד עתה התירו אתו והביאו׃

וילכו השלוחים וימצאו כאשר דבר אליהם׃

ויאמרו האדון צריך לו׃

וימצא ישוע עיר אחד וירכב עליו כאשר כתוב׃

וכל זאת לא הבינו תלמידיו בראשונה אך אחרי אשר נתפאר ישוע זכרו כי כן כתוב עליו וכי זאת עשו לו׃