ושנאתי אני את כל עמלי שאני עמל תחת השמש שאניחנו לאדם שיהיה אחרי׃

וסבותי אני ליאש את לבי על כל העמל שעמלתי תחת השמש׃

איש אשר יתן לו האלהים עשר ונכסים וכבוד ואיננו חסר לנפשו מכל אשר יתאוה ולא ישליטנו האלהים לאכל ממנו כי איש נכרי יאכלנו זה הבל וחלי רע הוא׃

והכרתי יושב מאשדוד ותומך שבט מאשקלון והשיבותי ידי על עקרון ואבדו שארית פלשתים אמר אדני יהוה׃

כי יום ליהוה צבאות על כל גאה ורם ועל כל נשא ושפל׃

ועל כל ההרים הרמים ועל כל הגבעות הנשאות׃

ועל כל אניות תרשיש ועל כל שכיות החמדה׃

יהוה צבאות יעצה לחלל גאון כל צבי להקל כל נכבדי ארץ׃

הוי עטרת גאות שכרי אפרים וציץ נבל צבי תפארתו אשר על ראש גיא שמנים הלומי יין׃

כען אנה נבוכדנצר משבח ומרומם ומהדר למלך שמיא די כל מעבדוהי קשט וארחתה דין ודי מהלכין בגוה יכל להשפלה׃

זאת להם תחת גאונם כי חרפו ויגדלו על עם יהוה צבאות׃

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן׃