הן בקדשו לא יאמין ושמים לא זכו בעיניו׃

כי לא אל חפץ רשע אתה לא יגרך רע׃

לא יתיצבו הוללים לנגד עיניך שנאת כל פעלי און׃

יהוה בהיכל קדשו יהוה בשמים כסאו עיניו יחזו עפעפיו יבחנו בני אדם׃

ימטר על רשעים פחים אש וגפרית ורוח זלעפות מנת כוסם׃

עיני יהוה אל צדיקים ואזניו אל שועתם׃

פני יהוה בעשי רע להכרית מארץ זכרם׃

כי אם היו קדשים בכל דרכיכם כאשר קדוש הוא אשר קרא אתכם׃

כי על כן כתוב והייתם קדשים כי קדוש אני׃

למה יהוה תעמד ברחוק תעלים לעתות בצרה׃

בגאות רשע ידלק עני יתפשו במזמות זו חשבו׃

שבר זרוע רשע ורע תדרוש רשעו בל תמצא׃

כי קנאתי בהוללים שלום רשעים אראה׃

צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃

נטעתם גם שרשו ילכו גם עשו פרי קרוב אתה בפיהם ורחוק מכליותיהם׃

חזות קשה הגד לי הבוגד בוגד והשודד שודד עלי עילם צורי מדי כל אנחתה השבתי׃

הוי שודד ואתה לא שדוד ובוגד ולא בגדו בו כהתמך שודד תושד כנלתך לבגד יבגדו בך׃

כי אם החרש תחרישי בעת הזאת רוח והצלה יעמוד ליהודים ממקום אחר ואת ובית אביך תאבדו ומי יודע אם לעת כזאת הגעת למלכות׃

ראיתה יהוה אל תחרש אדני אל תרחק ממני׃

יבא אלהינו ואל יחרש אש לפניו תאכל וסביביו נשערה מאד׃

אלה עשית והחרשתי דמית היות אהיה כמוך אוכיחך ואערכה לעיניך׃

שיר מזמור לאסף אלהים אל דמי לך אל תחרש ואל תשקט אל׃

פתח פיך לאלם אל דין כל בני חלוף׃

פתח פיך שפט צדק ודין עני ואביון׃

העל אלה תתאפק יהוה תחשה ותעננו עד מאד׃

למה תראני און ועמל תביט ושד וחמס לנגדי ויהי ריב ומדון ישא׃

על כן תפוג תורה ולא יצא לנצח משפט כי רשע מכתיר את הצדיק על כן יצא משפט מעקל׃

אף כי אנשים רשעים הרגו את איש צדיק בביתו על משכבו ועתה הלוא אבקש את דמו מידכם ובערתי אתכם מן הארץ׃

והשיב יהוה את דמו על ראשו אשר פגע בשני אנשים צדקים וטבים ממנו ויהרגם בחרב ואבי דוד לא ידע את אבנר בן נר שר צבא ישראל ואת עמשא בן יתר שר צבא יהודה׃

זמם רשע לצדיק וחרק עליו שניו׃

חרב פתחו רשעים ודרכו קשתם להפיל עני ואביון לטבוח ישרי דרך׃

למנצח על יונת אלם רחקים לדוד מכתם באחז אתו פלשתים בגת חנני אלהים כי שאפני אנוש כל היום לחם ילחצני׃

שאפו שוררי כל היום כי רבים לחמים לי מרום׃

אתו הנמסר על פי עצת האלהים הנחרצה וידיעתו מקום לקחתם ובידי רשעים הוקעתם והרגתם אתו׃

אלהי אברהם אלהי יצחק ואלהי יעקב אלהי אבותינו הוא פאר את עבדו ישוע אשר אתם מסרתם אותו וכחשתם בו בפני פילטוס כשהיה דן לפטרו׃

ואת שר החיים הרגתם אשר האלהים הקימו מן המתים ואנחנו עדיו׃