וירא חם אבי כנען את ערות אביו ויגד לשני אחיו בחוץ׃

וייקץ נח מיינו וידע את אשר עשה לו בנו הקטן׃

פחז כמים אל תותר כי עלית משכבי אביך אז חללת יצועי עלה׃

וישלח אבשלום מרגלים בכל שבטי ישראל לאמר כשמעכם את קול השפר ואמרתם מלך אבשלום בחברון׃

וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלום׃

ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל כי אמר לו יהוה׃

ויאמר אחיתפל אל אבשלם בוא אל פלגשי אביך אשר הניח לשמור הבית ושמע כל ישראל כי נבאשת את אביך וחזקו ידי כל אשר אתך׃

ועצת אחיתפל אשר יעץ בימים ההם כאשר ישאל בדבר האלהים כן כל עצת אחיתפל גם לדוד גם לאבשלם׃

דור אביו יקלל ואת אמו לא יברך׃

עין תלעג לאב ותבוז ליקהת אם יקרוה ערבי נחל ויאכלוה בני נשר׃

אב ואם הקלו בך לגר עשו בעשק בתוכך יתום ואלמנה הונו בך׃

והיה אח ימסר את אחיו למות ואב ימסר את בנו וקמו בנים באבותם וימיתו אותם׃

כי באתי להפריד איש מאביו ובת מאמה וכלה מחמותה׃

ואיבי איש אנשי ביתו׃

האב יחלק על הבן והבן על האב האם על הבת והבת על האם החמות על הכלה והכלה על החמות׃

וגם תמסרו על ידי יולדיכם ואחיכם וקרוביכם ורעיכם וימיתו מכם׃

כי יהיו האנשים אהבי עצמם ואהבי בצע והוללים וגאים ומגדפים וממרים באבותם וכפויי טובה ולא חסידים׃

חסרי אהבה ובוגדים ומלשינים וזוללים ואכרזים ושנאי טוב׃

גם איש שלומי אשר בטחתי בו אוכל לחמי הגדיל עלי עקב׃

כי לא אויב יחרפני ואשא לא משנאי עלי הגדיל ואסתר ממנו׃

אשר יחדו נמתיק סוד בבית אלהים נהלך ברגש׃

כי גם אחיך ובית אביך גם המה בגדו בך גם המה קראו אחריך מלא אל תאמן בם כי ידברו אליך טובות׃

כי שמעתי דבת רבים מגור מסביב הגידו ונגידנו כל אנוש שלומי שמרי צלעי אולי יפתה ונוכלה לו ונקחה נקמתנו ממנו׃

עד הגבול שלחוך כל אנשי בריתך השיאוך יכלו לך אנשי שלמך לחמך ישימו מזור תחתיך אין תבונה בו׃

ויען ויאמר האיש אשר טבל עמי את ידו בקערה הוא ימסרני׃

ומיד נגש אל ישוע ויאמר שלום לך רבי וינשק לו׃

ויאמר אליו ישוע רעי על מה באת ויגשו וישלחו את ידיהם בישוע ויתפשו אתו׃

לא על כלכם דברתי יודע אני את אשר בחרתי בהם אך למען ימלא הכתוב אוכל לחמי הגדיל עלי עקב׃